408. fundur bæjarstjórnar Reykjanesbæjar haldinn 21. febrúar 2012 í Bíósal Duushúsa, Duusgötu 2- 8, kl: 17:00.

Mættir : Böðvar Jónsson aðalbæjarfulltrúi, Guðný Kristjánsdóttir aðalbæjarfulltrúi, Árni Sigfússon bæjarstjóri, Magnea Guðmundsdóttir aðalbæjarfulltrúi, Eysteinn Eyjólfsson aðalbæjarfulltrúi, Gunnar Þórarinsson aðalbæjarfulltrúi, Einar Magnússon aðalbæjarfulltrúi, Baldur Guðmundsson aðalbæjarfulltrúi, Björk Þorsteinsdóttir aðalbæjarfulltrúi, Friðjón Einarsson aðalbæjarfulltrúi, Silja Dögg Gunnarsdóttir varabæjarfulltrúi, fundarritari Hjörtur Zakaríasson og í forsæti var Böðvar Jónsson.
__________

1. Fundagerðir bæjarráðs 9/2 og 16/2´12 (2012010031)
Forseti gaf orðið laust um fundagerðirnar.  Til máls tóku Árni Sigfússon og Gunnar Þórarinsson.  Fundagerðirnar samþykktar 11-0.

2. Fundargerð atvinnu- og hafnaráðs 15/2´12  (2012010234)
Forseti gaf orðið laust um fundargerðina.  Til máls tóku Einar Þ. Magnússon, Eysteinn Eyjólfsson og Böðvar Jónsson.  Fundargerðin samþykkt 11-0.

3. Fundargerð fræðsluráðs 27/1´12 (2011020208)
Forseti gaf orðið laust um fundargerðina.  Til máls tóku Baldur Þ. Guðmundsson, Böðvar Jónsson og Eysteinn Eyjólfsson.  Fundargerðin samþykkt 11-0.

4. Fundargerð menningarráðs 7/2´12  ( )
Forseti gaf orðið laust um fundargerðina.  Fundargerðin samþykkt 11-0 án umræðu.

5. Fundargerð umhverfis- og skipulagsráðs 15/2´12 (2012010222)
Forseti gaf orðið laust um fundargerðina.  Til máls tóku Magnea Guðmundsdóttir og Árni Sigfússon.  Fundargerðin samþykkt 11-0.

6. Fundargerð stjórnar BS 6/2´12 (2012020275)
Forseti gaf orðið laust um fundargerðina.  Til máls tóku Silja Dögg Gunnarsdóttir, Friðjón Einarsson, Árni Sigfússon og Böðvar Jónsson.  Fundargerðin lögð fram.

7. Fundargerð stjórnar DS 2/2´12 (2012020267)
Forseti gaf orðið laust um fundargerðina.  Til máls tók Baldur Þ. Guðmundsson.  Fundargerðin lögð fram.

8. Fundargerð Heilbrigðisnefndar Suðurnesja 30/1´12 (2012020197)
Forseti gaf orðið laust um fundargerðina.  Fundargerðin lögð fram án umræðu.

9. Fundargerð stjórnar SS 9/2´12 (2012010720)
Forseti gaf orðið laust um fundargerðina.  Til máls tók Silja Dögg Gunnarsdóttir er lagði fram eftirfarandi bókun: 

Grænn bær-betri bær!
Stjórn Sorpeyðingarstöðvar Suðurnesja telur brýna þörf á að móta framtíðarstefnu í sorpmálum á Suðurnesjum.  Framsókn í Reykjanesbæ tekur heilshugar undir það sjónarmið.
Þar sem mikil endurskoðun og -skipulagning á sorpmálum á Suðurnesjum stendur nú yfir telur Framsókn nú rétt umhverfi hafa skapast til að taka sorpmálin skrefi lengra.  Framsókn leggur til að Reykjanesbær taki af skarið og hvetji einstaklinga og fyrirtæki með markvissum hætti til frekari flokkunar á sorpi.  Sorpflokkun er allra hagur; hún er í öllum tilfellum hagkvæmari kostur bæði fyrir fjárhag heimilisins og fer betur með umhverfið.  Markmið með aukinni sorpflokkun er aukin hagkvæmni allar aðila, minni kostnaður.
Framsókn leggur enn fremur til að Reykjanesbær taki Snæfellsbæ og önnur sveitarfélög á Íslandi sér til fyrirmyndar sem farið hafa í gegnum EarthCheck umhverfisvottun.  Samhliða vottunarferlinu þar hafa orðið gríðarlegar framfarir í sorpmálum. Suðurnesjamenn þurfa ekki að finna upp hjólið heldur fylgja góðum fyrirmyndum.
Þegar um vottun sveitarfélags er að ræða tekur vottunin til starfsemi sveitarfélagsins sjálfs, það er starfsemi stofnana og verkefna sem eru á þess vegum og ábyrgð.  Vottunarferlið tekur ekki til fyrirtækja eða stofnana á vegum einkaaðila eða ríkis, sem staðsett eru í viðkomandi sveitarfélagi, að öðru leyti en að fjöldi umhverfisvottaðra fyrirtækja í sveitarfélaginu getur talist til tekna í vottunarferlinu og sumar sjálfbærnivísarnir byggja á mælingum á notkun allra íbúa á auðlindum, svo sem vatni og orku, og losun allra íbúa á úrgangi.
Á undanförnum árum hafa mörg sveitarfélög á Íslandi unnið að úrbótum í umhverfismálum með vinnu að Staðardagskrá 21.  Í Staðardagskrárvinnu er sveitarfélögunum alveg í sjálfsvald sett hvaða áherslum er fylgt og hversu hratt breytingar eru gerðar.  Þetta getur verið kostur fyrir sveitarfélögin en veldur því m.a. að sveitarfélög standa sig mjög misvel.  Þá er lítil sem engin eftirfylgni eða eftirlit í Staðardagskrárferlinu og skapar hún því takmörkuð tækifæri til markaðssetningar.  Þrátt fyrir það hefur Staðardagskrárvinna stuðlað að mörgum gríðarlega jákvæðum framförum í umhverfismálum á Íslandi og annars staðar.
EarthCheck vottunarkerfið byggir á Staðardagskrá 21 en er ólíkt henni meðal annars að því leiti að um er að ræða óháða umhverfisvottun þriðja aðila.  Vottunarkerfið felur í sér að samtökin setja viðmið fyrir samfélagið í heild og því er í raun um trúverðugri leið til umhverfisúrbóta að ræða en felst í til dæmis Staðardagskrárvinnu og vottun samkvæmt ISO 14001 staðli.
Kostir vottunar felst í því að byggja upp sjálfbæra lífs- og starfshætti með vottun óháðs þriðja aðila.

Silja Dögg Gunnarsdóttir, Framsókn Reykjanesbæ.

Til máls tóku Árni Sigfússon, Böðvar Jónsson og Friðjón Einarsson.  Fundargerðin lögð fram.

Fleira ekki gert og fundi slitið.