Barnaverndarnefnd starfar samkvæmt barnaverndarlögum nr. 80/2002 í málum sem varða ráðstafanir gagnvart börnum og forsjáraðilum þeirra. Barnaverndarnefnd veitir umsagnir um forsjár, umgengnis- og ættleiðingarmál þegar þess er óskað af hlutaðeigandi aðilum. Mál eru lögð fyrir barnaverndarnefnd þegar ekki næst viðunandi árangur eða samkomulag við foreldra/forráðamenn að mati starfsmanna og er það í hendi nefndarinnar að taka ákvarðanir og úrskurða í meiriháttar barnaverndarmálum. Starfsmenn barnaverndarnefndar starfa í umboði nefndarinnar skv. reglum þar um.