Jólafasta fyrir starfsmenn Reykjanesbæjar var haldin í fjórða skipti þann 23. nóvember s.l. í Keflavíkurkirkju. 

Þar áttu starfsmenn saman rólega og hátíðlega stund en dagskrá var í umsjón starfsmanna Reykjanesbæjar og sr. Skúla Ólafssonar sóknarprests.

Starfsmenn Tónlistarskóla Reykjanesbæjar sáu um tónlistarflutning og Valgerður Guðmundsdóttir framkvæmdastjóri Menningarsviðs las fyrir okkur jólasögu.  Árni Sigfússon bæjarstjóri afhenti við þetta tilefni styrk til jólagjafakaupa fyrir fjölskyldur í bænum.  Kirkjukórinn Keflavíkurkirkju kom í óvænta en ánægjulega heimsókn og söng nokkur lög fyrir starfsmenn. 

Heitt súkkulaði og smákökur settu hátíðlegan jólabrag á stundina sem lauk með fjöldasöng starfsmanna.  

Elmar Þór Hauksson söng einsöng með Kirkjukór Keflavíkurkirkju

Arnór Vilbergsson ásamt kór Keflavíkurkirkju

Valgerður Guðmundsdóttir framkvæmdastjóri Menningarsviðs las jólasögu

Steinar Matthías Kristinsson spilaði á trompet

Sigurjón Bergþór Daðason spilaði á klarinett

Anna Málfríður Sigurðardóttir spilaði á píanó

Fjölmennt var á Jólaföstunni

Sr. Skúli Ólafsson sóknarprestur í Keflavíkurkirkju