Útsvar, fasteignagjöld og tengd gjöld

Útsvar

Útsvar er hluti af tekjuskatti einstaklinga og rennur til sveitarfélagsins. Útsvar er lagt á skattstofn og innheimt samhliða ríkisskatti.

Útsvarsprósenta í Reykjanesbæ er 14,97%.

Útsvarsprósenta er ákveðin árlega og gildir fyrir viðkomandi tekjuár.

Fasteignagjöld

Álagning fasteignagjalda er byggð á fasteignamati húss og lóðar.  Fasteignamat er reiknað út af Húsnæðis- og mannvirkjastofnun. Álagningarseðlar fasteignagjalda eru á rafrænu formi og má nálgast á Mínar síður og á Ísland.is.

Gjalddagar fasteignagjalda eru 10 talsins, fyrsta dag hvers mánaðar frá og með 1. febrúar til og með 1. nóvember. Eindagi er 30 dögum eftir gjalddaga.  Heildarálagning undir 25.000 dreifist ekki heldur er innheimt á fyrsta gjalddaga ársins, 1. febrúar.

Greiðsluseðlar vegna fasteignagjalda birtast eingöngu sem kröfur í banka nema greiðendur 76 ára og eldri fá greiðsluseðla í pósti.  Einnig er hægt að fá greiðsluseðla senda í tölvupósti.  Rafrænir reikningar eru sendir á fyrirtæki sem taka á móti reikningum gegnum skeytamiðlun.

Hægt er að skrá kreditkort fyrir boðgreiðslur fasteignagjalda hjá innheimtu í síma 421 6700.

Greiðendur sem eiga rétt á tekjutengdum afslætti sem tekjulágir elli- og örorkulífeyrisþegar þurfa ekki að sækja um hann sérstaklega en allar slíkar upplýsingar eru sóttar rafrænt til ríkisskattstjóra í upphafsálagningu og í lok júní þegar álagningu skatta fyrra árs er lokið.

Stofn til útreiknings á tekjutengdum afslætti er tekju- og útsvarsstofn auk fjármagnstekna samkvæmt skattframtali vegna tekna nýliðins árs.

Gjöld

Úrgangshirða

Samkvæmt lögum nr. 55/2003 er sveitarfélögum skylt að innheimta gjald sem næst raunkostnaði við hirðu og meðhöndlun úrgangs. Reykjanesbær byggir gjaldskrá sína á áætluðum kostnaði við málaflokkinn en sú breyting varð á 1.janúar 2024 að nú er greitt fyrir þær tunnur sem eru við hvert heimili. Íbúar geta því að einhverju leyti stýrt því hvaða tunnur henta best við sitt heimili svo lengi sem krafan um fjóra flokka er uppfyllt. Nánari upplýsingar um verð og hvaða tunnutegundir eru í boði má sjá í gjaldskrá Reykjanesbæjar.

Önnur gjöld