1536. fundur bæjarráðs Reykjanesbæjar

Halldór Karl Hermannsson sviðsstjóri atvinnu- og hafnarsviðs mætti á fundinn.

Lögð fram drög að samstarfssamkomulagi milli utanríkisráðuneytis, Landhelgisgæslu Íslands, Reykjanesbæjar og Reykjaneshafnar um uppbyggingu eldsneytisbirgðastöðvar og hafnaraðstöðu í Helguvík.

Bæjarráð samþykkir samstarfsamkomulagið fyrir sitt leyti og felur Kjartani Má Kjartanssyni bæjarstjóra og Halldóri Karli Hermannssyni sviðstjóra atvinnu- og hafnarsviðs að undirrita samkomulagið.

Lagt fram minnisblað vegna auglýsingar um rekstur framleiðslueldhúss og veitingasalar í þjónustumiðstöðinni Nesvöllum.

Lögð fram þarfagreining ásamt teikningum og frumkostnaði vegna fyrirhugaðra framkvæmda við endurbætur á æfingaaðstöðu Lyftingardeildar UMFN - Massa í íþróttahúsinu í Ytri-Njarðvík, Ljónagryfjunni. Áætlaður frumkostnaður er kr. 8.091.000.

Bæjarráð samþykkir þarfagreininguna og vísar henni til Stjórnar eignasjóðs í samræmi við verklagsreglu Beiðni um viðhaldsframkvæmd, nýbyggingu eða leiguhúsnæði (VRL-0044).

Lögð fram til kynningar fundargerð stjórnar Sambands íslenskra sveitarfélaga.

Tillaga til þingsályktunar um hjólaleið milli höfuðborgarsvæðisins og Suðurnesja, 87. mál

Umsagnarmál lagt fram.

Bæjarráð óskar eftir að umhverfis- og skipulagsráð sendi umsögn um málið til nefndasviðs Alþingis.

Regína F. Guðmundsdóttir sviðsstjóri fjármála- og stjórnsýslusviðs mætti á fundinn og fór yfir fjárstreymi og stöðu fjárfestinga sveitarfélagsins.

Regína F. Guðmundsdóttir sviðsstjóri fjármála- og stjórnsýslusviðs, Halldóra G. Jónsdóttir sviðsstjóri menningar- og þjónustusviðs og Guðlaugur H. Sigurjónsson sviðsstjóri umhverfis- og framkvæmdasviðs mættu á fundinn og kynntu drög að fjárhagsáætlun sinna sviða.

Erindi Sýslumannsins á Suðurnesjum vegna umsóknar um tækifærisleyfi. Bæjarráð samþykkir erindið fyrir sitt leyti.