Agenda
1. Félagslegt húsnæði - eignasafn, biðlisti og biðtími eftir úthlutun (2025020341)
Hera Ósk Einarsdóttir sviðsstjóri velferðarsviðs fór yfir upplýsingar um félagslegt leiguhúsnæði í Reykjanesbæ.
2. Reglur um fjárhagsaðstoð – tillaga til breytingar (2022010182)
Hilma Hólmfríður Sigurðardóttir, teymisstjóri virkni- og ráðgjafarteymis, lagði fram tillögu til breytingar á reglum Reykjanesbæjar um fjárhagsaðstoð þar sem tekið skuli sérstakt tillit til barna og þátttöku þeirra í þroskandi félags- og tómstundastarfi á meðan forsjáraðilar þeirra fá fjárhagsaðstoð frá Reykjanesbæ.
Velferðarráð samþykkir breytingarnar.
3. Akstursþjónusta leikskólabarna - endurskoðun á reglum (2022010182)
Ólafur Garðar Rósinkarsson, verkefnastjóri í málefnum fatlaðs fólks, mætti á fundinn og lagði fram tillögu að breytingu á reglum um akstursþjónustu fatlaðs fólks er varðar akstursþjónustu leikskólabarna.
Velferðarráð samþykkir breytinguna.
4. Ferðaþjónusta utan sveitarfélagsins (2022010182)
Ólafur Garðar Rósinkarsson, verkefnastjóri í málefnum fatlaðs fólks, mætti á fundinn og lagði fram tillögur að útfærslum á gjaldtöku fyrir akstursþjónustu fatlaðs fólks í vinnu og/eða tómstundir utan sveitarfélagsins. Einnig var lögð fram tillaga að breytingu á reglum um akstursþjónustu fatlaðs fólks þar að lútandi.
Velferðarráð telur að tillaga 2 sé besti kosturinn og leggur til að hún verði samþykkt og breytingar gerðar á reglum um akstursþjónustu fatlaðs fólks í samræmi við það. Málinu er vísað til bæjarráðs.
5. Frumvarp til laga um brottfararstöð - drög til umsagnar í samráðsgátt (2025010342)
Hilma Hólmfríður Sigurðardóttir, teymisstjóri virkni- og ráðgjafarteymis fór yfir málið.
Velferðarráð felur teymisstjóra virkni- og ráðgjafarteymis og sviðsstjóra velferðarsviðs að senda inn umsögn í samræmi við umræður á fundinum.
Með því að smella hér má skoða frumvarpið í samráðsgátt stjórnvalda
6. Frumvarp til laga um öryggisráðstafanir samkvæmt dómsúrlausn - drög til umsagnar í samráðsgátt (2025010342)
Ólafur Garðar Rósinkarsson, verkefnastjóri í málefnum fatlaðs fólks, mætti á fundinn og fór yfir málið.
Velferðarráð felur verkefnastjóra í málefnum fatlaðs fólks og sviðsstjóra velferðarsviðs að senda inn umsögn í samræmi við umræður á fundinum.
Með því að smella hér má skoða frumvarpið í samráðsgátt stjórnvalda
7. Fjárhagsaðstoð og sérstakur húsnæðisstuðningur - tölulegar upplýsingar (2025020181)
Tölulegar upplýsingar vegna fjárhagsaðstoðar og sérstaks húsnæðisstuðnings í september 2025 lagðar fram.
Fjárhagsaðstoð
Í september 2025 fengu 125 einstaklingar greidda fjárhagsaðstoð til framfærslu frá Reykjanesbæ. Alls voru greiddar 21.562.498 kr. í fjárhagsaðstoð til framfærslu eða að meðaltali um 172.500 kr. á hvern einstakling. Fjöldi barna á framfæri foreldra/forráðamanna á fjárhagsaðstoð voru 48.
Í sama mánuði 2024 fengu 227 einstaklingar greidda fjárhagsaðstoð til framfærslu frá Reykjanesbæ. Alls voru greiddar 38.158.432 kr. í fjárhagsaðstoð til framfærslu eða að meðaltali 168.099 kr. á hvern einstakling. Fjöldi barna á framfæri foreldra/forráðamanna á fjárhagsaðstoð voru 68.
Sérstakur húsnæðisstuðningur
Í september 2025 fengu 283 einstaklingar greiddan sérstakan húsnæðisstuðning sveitarfélagsins. Samtals voru greiddar 6.863.067 kr.
Í sama mánuði 2024 fengu 268 einstaklingar greiddan sérstakan húsnæðisstuðning sveitarfélagsins, samtals 6.806.522 kr.
Áfrýjunarnefnd
Í september 2025 var haldinn 1 fundur í áfrýjunarnefnd og 13 erindi lögð fyrir nefndina. 11 erindi voru samþykkt, 1 erindi frestað og 1 erindi synjað.
8. Fjárhagsáætlun 2026 (2025060320)
Margrét Arnbjörg Valsdóttir, teymisstjóri öldrunar- og stuðningsþjónustu og Guðlaug Anna Jónsdóttir, deildarstjóri heima- og stuðningsþjónustu, mættu á fundinn og lögðu fram tillögu að gjaldskrá öldrunar- og stuðningsþjónustu fyrir árið 2026.
Velferðarráð tekur vel í tillöguna og felur teymisstjóra öldrunar- og stuðningsþjónustu og deildarstjóra heima- og stuðningsþjónustu að vinna málið áfram.
Hera Ósk Einarsdóttir sviðsstjóri velferðarsviðs fór yfir stöðu mála varðandi fjárhagsáætlunarvinnu vegna ársins 2026.
Nothing else was done and the meeting was adjourned at 15:59.