Evrópski menningaminjadagurinn

Evrópski menningarminjadagurinn 2017 verður haldinn hátíðlegur laugardaginn 14. október 2017 í Reykjanesbæ. Hann er samstarfsverkefni Minjastofnunar Íslands, Reykjanes Jarðvangs og Byggðasafns Reykjanesbæjar. Dagskráin hefst í Duus safnahúsum kl 14.00 með stuttum erindum að þeim loknum verður farið í vettvangsferð með leiðsögn á Patterson flugvöll. Allir velkomnir.

Menningarminjadagarnir eru haldnir ár hvert í þeim 50 löndum sem hlut eiga að Menningarsáttmála Evrópu. Allt frá Aserbæsjan í austri, til Portúgals í vestri og norður til Noregs. Markmið þessara daga er að vekja athygli og áhuga á ríkri og fjölbreyttri menningu þeirra samfélaga sem byggja álfuna. Þema ársins 2017 er „Minjar og náttúra“. Boðið er upp á fjölbreytta viðburði hringinn um landið sem tengjast á einn eða annan hátt mannlífi, náttúru og sögu fyrri tíma hérlendis.