Jólaboð Ásu. Jólatrésskemmtun í Duus Safnahúsum

Frú Ása Olavsen, kaupmannsfrú Duusverslunar, tekur vel á móti börnum og fjölskyldum þeirra  á jólatrésskemmtun í Bryggjuhúsinu líkt og hún gerði fyrir um 100 árum síðan. Skemmtanir þessar, sem haldnar voru um 20 ára skeið, þóttu einn af hápunktum félagslífsins hér í bæ. Dansað verður í kringum jólatréð með skemmtilegum jólasveini af gamla skólanum og jólasöngvar sungnir. Við hvetjum fjölskyldur til að koma saman og njóta þess að líta til baka á gamlar hefðir og upplifa einfaldleika jólanna og hinn sanna jólaanda.

Allir eru hjartanlega velkomnir á meðan húsrúm leyfir og aðgangur er ókeypis.