Sjómannadagurinn

Sjómannadagurinn er haldinn hátíðlegur með dagskrá í Duushúsum, menningar- og listamiðstöð Reykjanesbæjar. Dagskráin er unnin í samstarfi nokkurra aðila og hefst með sjómannamessu sem haldin er til skiptis á vegum Keflavíkurkirkju og Njarðvíkurkirkju. Þá er dagskrá á vegum Byggðasafns Reykjanesbæjar tengd sjómönnum og sjómennsku.

Í lok dagskrár er lagður krans við minnismerki sjómanna við Hafnargötu fyrir tilstilli Vísis,félags skipstjórnarmanna á Suðurnesjum, Vélstjórafélags Suðurnesja og Verkalýðs- og sjómannafélags Suðurnesja.