217. fundur stjórnar Reykjaneshafnar var haldinn þriðjudaginn 15. maí 2018 kl. 17:15 á skrifstofu Reykjaneshafnar að Víkurbraut 11, 230 Reykjanesbæ.

Mættir: Davíð Páll Viðarsson formaður, Einar Þ Magnússon aðalmaður, Hanna Björg Konráðsdóttir aðalmaður, Hjörtur M Guðbjartsson aðalmaður, Kristján Jóhannsson aðalmaður og Halldór Karl Hermannsson hafnarstjóri.

Dagskrá:

1. Fjármál Reykjaneshafnar. (2018020112)
Bréf LAG Lögmanna sf. dags. 03.05.18. Hafnarstjóri fór yfir efni bréfsins og viðbrögð við því. Einnig fór hafnarstóri yfir hugmyndir er varðar tilfærslu lóða í eigu Reykjaneshafnar til Reykjanesbæjar.

2. Lóðir Reykjaneshafnar. (2018030077)
Bréf Reykjaneshafnar til umhverfis- og skipulagsráðs Reykjanesbæjar, dags. 25.04.2018. Lagt fram til kynningar.

3. Hafnarsamband Íslands. (2018010284)
a. Fundargerð 402. fundar stjórnar Hafnarsambands Íslands. Lögð fram til kynningar.

b. Fundargerð 403. fundar stjórnar Hafnarsambands Íslands. Lögð fram til kynningar.

c. Tölvupóstur, dags. 04.05.18, með drög að starfslýsingu milli Hafnarsamband Íslands og Fiskistofu um framkvæmd vigtarmála. Óskað er eftir umsögn Reykjaneshafnar. Eftirfarandi var lagt farm: Stjórn Reykjaneshafnar gerir ekki athugasemd við fyrirliggjandi drög en leggur áherslu á að í starfslýsingunni felist ekki íþyngjandi kvaðir eða aukin útgjöld gagnvart höfnum nema sanngjarnt afgjald komi þar á móti. Samþykkt samhljóða.

d. Tölvupóstur, dags. 24.04.18, með frumvarp til laga um skipulag haf- og strandsvæða ásamt umsögn Hafnarsambands Íslands um frumvarpið. Óskað er eftir athugasemdum Reykjaneshafnar. Eftirfarandi var lagt fram: Stjórn Reykjaneshafnar tekur undir umsögn stjórnar Hafnarsamband Íslands og áréttar þær ábendingar sem þar koma fram. Samþykkt samhljóða.

4. Upplýsingargjöf hafnarstjóra. (2018010286)
Hafnarstjóri fór yfir stöðu ýmissa mála er varðar starfsemi hafnarinnar.

5. Önnur mál. (2018010287)
Hafnarstjóri kynnti drög að samkomulagi við Kaffi Duus ehf. er varðar lok leigusamnings milli aðila frá 27. september 2006. Samþykkt samhljóða og hafnarstjóra falið að undirritað samkomulagið.

Fleira ekki gert og fundi slitið kl. 18:30. Fundargerðin fer til afgreiðslu bæjarstjórnar 5. júní 2018.