25.09.2019 19:00

233. fundur stjórnar Reykjaneshafnar var haldinn miðvikudaginn 25. september 2019 kl. 19:00 á skrifstofu Reykjaneshafnar að Víkurbraut 11, 230 Reykjanesbæ

Mættir: Hjörtur Magnús Guðbjartsson formaður, Hanna Björg Kornráðsdóttir aðalmaður, Kristján Jóhannsson aðalmaður, Sigurður Guðjónsson aðalmaður, Úlfar Guðmundsson aðalmaður og Halldór Karl Hermannsson hafnarstjóri.

1. Stjórn Reykjaneshafnar (2019090572)

Tölvupóstur frá Reykjanesbæ dags. 23.09.2019 þar sem tilkynnt er að Kolbrún Jóna Pétursdóttir hefði sagt sig úr stjórn Reykjaneshafnar og bæjarstjórn Reykjanesbæjar hefði skipað í hennar stað Kristján Jóhannsson. Lagt fram til kynningar.

Fylgigögn:

Kosning aðalfulltrúa í stjórn Reykjaneshafnar - tölvupóstur

2. Fjárhagsáætlun Reykjaneshafnar fyrir árið 2020 (2019080704)

Hafnarstjóri fór yfir drög að rekstraráætlun Reykjaneshafnar vegna ársins 2020 ásamt drögum að fjárfestingum. Lagt er til að fyrirliggjandi drög verði grunnur að áframhaldandi vinnu við gerð fjárhagsáætlun næsta árs. Samþykkt samhljóða.

3. Starfsmannamál Reykjaneshafnar (2019060286)

Eftirfarandi var lagt fram: Vegna alvarlegs skuldavanda Reykjaneshafnar, langvarandi rekstrarvanda og mikils samdráttar í verkefnum hafnarinnar, m.a. vegna gjaldþrots kísilverksmiðju Sameinaðs Sílikons hf. og samdráttar í innflutningi á eldsneyti, hefur verið tekin ákvörðun um hagræðingu í rekstri hafnarinnar. Það felst meðal annars í því að fækka stöðugildum hjá Reykjaneshöfn og endurskipuleggja fyrirkomulag bakvakta úr tvöföldu kerfi í eitt. Lagt er til að samþykkt verði fyrirliggjandi tillaga hafnarstjóra um hvernig staðið verður að þeirri framkvæmd. Samþykkt samhljóða.

4. Hafnasamband Íslands (2019051158)

Fundargerð 414. fundar Hafnasambands Íslands frá 28.08.2019 ásamt fylgiskjölum. Lögð fram til kynningar.

Fylgigögn:

Fundargerð 414. fundar stjórnar Hafnasambands Íslands

5. Hafnafundur 2019 (2019090574)

Hafnarstjóri kynnti dagskrá Hafnafundur 2019 sem verður haldinn í Þorlákshöfn föstudaginn 27. september 2019. Lagt er til að hafnarstjóri og stjórnarmenn sæki fundinn. Samþykkt samhljóða.

Fylgigögn:

Dagskrá Hafnafundar 2019

6. Siglingarráð (2019060287)

Fundargerðir Siglingarráðs nr. 14. frá 07.03.2019, nr. 15. frá 10.04.2019 og nr. 16. frá 23.05.2019. Lagðar fram til kynningar.

Fylgigögn:

Fundargerð 14. fundar Siglingaráðs
Fundargerð 15. fundar Siglingaráðs
Fundargerð 16. fundar Siglingaráðs

7. Ráðstefnan „Hvað er svona merkilegt við það“ (2019090575)

Hafnarstjóri kynnti dagskrá ráðstefnu Siglingaráðs sem haldin er á alþjóðasiglingardaginn 26. september n.k. í Kaldalóni í Hörpu og er opin öllum. Ráðstefna er helguð konum og á að vekja athygli á fjölbreyttum atvinnumöguleikum í siglingum sem eru jafnt fyrir konur og karla. Lagt fram til kynningar.

Fylgigögn:

Dagskrá ráðstefnu um konur og siglingar

8. Fiskistofa (2019090576)

Tölvupóstur frá Fiskistofu dags. 02.09.2019 þar sem tilkynnt er að Fiskistofa hefur úthlutað aflamarki fyrir fiskveiðiárið 2019-2020. Þar kemur fram að um 16% af úthlutuðu aflamarki er til báta með heimahöfn á Reykjanesi. Af því aflamarki eru bátar með heimahöfn hjá Reykjaneshöfn með um 3% eða um 0,6% af heildarúthlutuninni. Lagt fram til kynningar.

Fylgigögn:

Nýtt fiskveiðiár 2019/2020 - bréf frá Fiskistofu
Úhlutað aflamark á Reykjanesi 2019 - 2020

9. Togarinn Orlik. (2019070172)

Bréf umhverfis- og auðlindaráðuneytisins dags. 22.09.2019 þar sem óskað er eftir umsögn Reykjaneshafnar til erindis VSÓ Ráðgjafar fyrir hönd Skipasmíðastöðvar Njarðvíkur um breytingu á undaþágu frá starfsleyfi til niðurrifs á togaranum Orlik hvað varðar staðsetningu framkvæmdarinnar. Meðfylgjandi er bréf VSÓ Ráðgjafar til ráðuneytisins dags. 20.09.2019 ásamt greinargerð.

Eftirfarandi var lagt fram: Reykjaneshöfn leggst ekki gegn viðkomandi breytingu á undanþágu Skipasmíðastöðvar Njarðvíkur en gerir kröfu um að skaðleysi Reykjaneshafnar gagnvart framkvæmdinni sé tryggt áður en hún hefst. Samþykkt samhljóða.

Fylgigögn:

Niðurrif á togaranum Orlik - bréf VSÓ Ráðgjafar
Niðurrif á togaranum Orlik - greinargerð VSÓ Ráðgjafar
Beiðni um umsögn

10. Reykjanes UNESCO Global Geopark. (2019080705)

Hafnarstjóri fór yfir samstarfssamning við Reykjanes UNESCO Global GeoPark sem hann undirritaði 03.09.2019 fyrir hönd Reykjaneshafnar. Við þá undirritun varð Reykjaneshöfn stoltur samstarfsaðili jarðvangsins og hefur rétt á að tengja sig við merki hans. Lagt fram til kynningar.

Fylgigögn:

Samstarfssamningur Reykjaneshafnar og Reykjanes UNESCO Global Geopark

11. Skemmtiferðaskip. (2019060288)

Hafnarstjóri fór yfir þá vinnu sem unnin hefur verið undir stjórn Markaðsstofu Reykjaness í samstarfi við Reykjanesbæ í að markaðssetja Keflavíkurhöfn fyrir smærri skemmtiferðaskip. Kom þar m.a. fram að Markaðsstofan stóð fyrir vinnustofu 18. september s.l. með hagsmunaaðilum á Reykjanesi í samstarfi við Íslenska Ferðaklasann um tækifæri þau sem fælust í komu smærri skemmtiferðaskipa til hafna á Reykjanesi.

Fylgigögn:

Vinnustofa 18. september - kynning
Vinnustofa 18. september - vöruþróun - tækifæri
Vinnustofa 18. september - markaðssetning og markhópar
Vinnustofa 18. september - Nærsamfélagið og virðiskeðjan

12. Hafnarbraut 2. (2019090577)

Fyrirliggjandi er kaupsamningur dags. 12.09.2019 um fasteignina Hafnarbraut 2 að upphæð kr. 25.000.000.- en Reykjaneshöfn hefur forkaupsrétt að eigninni. Lagt er til að Reykjaneshöfn falli frá forkaupsrétti vegna ofangreinds kaupsamnings. Samþykkt samhljóða.

13. Upplýsingagjöf hafnarstjóra. (2019051182)

Hafnarstjóri fór yfir stöðu ýmissa mála er varðar starfsemi hafnarinnar.

14. Önnur mál. (2019051178)


Fleira ekki gert og fundi slitið kl. 21:00. Fundargerðin fer til afgreiðslu bæjarstjórnar 1. október 2019.