Félagsstarf og hreyfing

Félagsleg samvera skiptir miklu máli fyrir almenna vellíðan og er fjöldi námskeiða og skipulagðir viðburðir í boði hverju sinni fyrir eldra fólk víðs vegar í samfélaginu allt árið um kring.

Fjölbreytt félagsstarf í boði, svo sem listasmiðja, leikfimi, bingó, félagsvist, boccia, pútt, ganga í Reykjaneshöllinni og fleira.

Greitt er fyrir með klippikorti í leikfimi, listasmiðju og boccia. Klippikort má kaupa á þjónustuborði á Nesvöllum.

Viðburðir á Nesvöllum eru auglýstir í fréttabréfi Nesvalla og á Facebook síðunni Nesvellir.

Félagsstarfið fer að mestu fram í þjónustumiðstöðinni á Nesvöllum, einnig í Virkjun, Reykjaneshöll og Íþróttaakademíu.

Þú gætir einnig haft áhuga á að skoða nánar:

Heilsuefling eldra fólks
Janus heilsuefling er fjölþætt heilsuefling sem byggir á markvissri þol- og styrktarþjálfun, reglulegum heilsufarsmælingum, fræðslu og ráðgjöf um holla næringu og aðra heilsueflandi þætti.

Með þátttöku í verkefninu ert þú að vinna markvisst að því að vera hæfari að takast á við öldrunareinkenni og þeim heilsutengdu breytingum sem geta fylgt hækkandi aldri.

Hvað felst í þátttöku í verkefninu?

  • Styrktarþjálfun í Sporthúsinu 2x í viku, 8-12 saman í hóp með þjálfara
  • Þolþjálfun á mánudögum í Reykjaneshöllinni yfir veturinn en utandyra að vori, sumri og hausti
  • Reglulegir fyrirlestrar frá læknum, næringarfræðingum, sjúkraþjálfurum og öðrum sérfræðingum
  • Ítarleg heilsufarsmæling á sex mánaða fresti hjá Janusi heilsueflingu
  • Blóðmælingar og heilsufarsviðtal á vegum HSS
  • Rafrænir heilsupistlar og annar fróðleikur um hollan lífsstíl
  • Aðgangur að lokuðum Facebook hópi með fróðleik og stuðning og heilsu-appi Janusar heilsueflingar
  • Aðgangskort í Sporthúsið Reykjanesbæ

ég skrá mig í Janus heilsueflingu?

Já, ef þú ert 65 ára og eldri og með lögheimili í Reykjanesbæ, þá getur þú sótt um þátttöku í verkefninu.

Hvernig skrái ég mig?

Þú sækir um þátttöku rafrænt á vef Janusar heilsueflingar, smelltu hér til að sækja um.

Þú getur einnig fengið aðstoð frá starfsfólki Nesvalla við skráningu, í síma 420 3400, eða mæta á þjónustuborð Nesvalla.

Félag eldri borgara á Suðurnesjum (FEBS) er frjáls félagsskapur fyrir 60 ára og eldri, félagið er með aðstöðu á Nesvöllum þjónustumiðstöð.

Formaður Félags eldri borgara á Suðurnesjum er Guðrún Eyjólfsdóttir. Upplýsingar um félagið gefa:

  • Guðrún Eyjólfsdóttir, formaður, sími 899 0533
  • Sigurbjörg Jónsdóttir, gjaldkeri, sími 782 9661

Viðburðir á vegum FEBS eru auglýstir í staðarblöðum, þjónustumiðstöðvum eldri borgara á Suðurnesjum og á Facebook síðunni FEBS fréttir.

Þú getur sótt um aðild í félagið með því að senda póst á gjaldkerifebs@simnet.is. Í póstinum þarf að koma fram nafn, kennitala og heimilisfang.

Hafa samband