Reykjanesbær veitir árlega styrki til menningarmála í gegnum Menningarsjóð Reykjanesbæjar. Markmið sjóðsins er að styðja við öflugt og fjölbreytt menningarlíf í bænum og skapa tækifæri til nýsköpunar, þátttöku og listsköpunar.
Hægt er að sækja um:
- styrki til einstakra menningarverkefna
- þjónustusamninga fyrir starfandi menningarhópa í Reykjanesbæ
Auglýst er eftir umsóknum í upphafi hvers árs og er umsóknarfrestur jafnan í febrúar. Umsóknir eru sendar inn rafrænt á mittreykjanes.is.
Aðrir styrkjamöguleikar
Auk Menningarsjóðs Reykjanesbæjar standa menningarverkefnum til boða ýmsir aðrir styrkjamöguleikar. Þar á meðal er Uppbyggingarsjóður Sóknaráætlunar Suðurnesja sem veitir árlega styrki til menningar-, atvinnu- og nýsköpunarverkefna á Suðurnesjum.