Björgin er endurhæfing og athvarf fyrir fólk með geðheilsuvanda. Öll eru velkomin í Björgina og ekki þarf tilvísun til að sækja þjónustuna.
Í Björginni leggjum við áherslu á hlýlegt og öruggt umhverfi þar sem fólk fær stuðning, ráðgjöf og tækifæri til virkni á eigin forsendum.
Hægt er að mæta á staðinn, hafa samband í síma 420 3270 eða senda tölvupóst á bjorgin@reykjanesbaer.is til að fá nánari upplýsingar.
Í Björginni viljum við rjúfa félagslega einangrun, efla sjálfstæði einstaklinga, auka samfélagsþátttöku, draga úr stofnanainnlögnum, auka þekkingu almennings á geðheilbrigðismálum, þjálfa fólk í atvinnutengdri hegðun og styðja við endurhæfingu til náms eða vinnu
Endurhæfing
Endurhæfing í Björginni miðar að því að gefa fólki tækifæri til að efla færni sína á ýmsum sviðum. Boðið er upp á fræðslu, hópastarf, námskeið og ráðgjöf þar sem áhersla er lögð á uppbyggileg málefni sem styðja við bata.
Allir sem taka þátt í endurhæfingu fá ráðgjafa sem heldur utan um ferlið með viðkomandi. Gerð er endurhæfingaráætlun þar sem fram kemur hvernig endurhæfingin fer fram. Hún getur meðal annars falið í sér:
- hópatíma tvisvar í viku
- regluleg viðtöl við ráðgjafa
- virkni yfir daginn
Aðstoð er veitt við umsókn um endurhæfingarlífeyri hjá Tryggingastofnun (TR). Gerð er krafa um 80% mætingu í endurhæfingu.
Staðsetning og opnunartímar
Björgin – geðræktarmiðstöð Suðurnesja
Suðurgata 12–14 og 15–17
Sími: 420 3270
Netfang: bjorgin@reykjanesbaer.is
- Opið mánudaga til fimmtudaga: kl. 08:15 – 15:30
- Opið föstudaga: kl. 08:15 – 12:00