Hæfingarstöðin er dagþjónusta fyrir fatlað fólk á Suðurnesjum. Þar fá þátttakendur tækifæri til að efla hæfni sína til starfa og auka þátttöku í daglegu lífi.
Starfað er eftir hugmyndafræðinni um þjónandi leiðsögn, þar sem áhersla er lögð á styrkleika hvers og eins og stuðning veittur út frá einstaklingsbundnum þörfum.
Þjónusta og starfsemi
Hæfingarstöðin býður upp á fjölbreytta þjónustu sem miðar að því að:
- efla sjálfstæði
- styrkja atvinnutengda færni
- auka félagslega færni og þátttöku
Verkefnin eru fjölbreytt og taka mið af áhuga og getu þátttakenda. Meðal verkefna er búðin Hæfó, þar sem seldar eru vörur sem þátttakendur og starfsfólk vinna saman að.
Úrvalið og starfsemina má sjá á Facebook-síðu Hæfó Smiðju
Sækja um í Hæfingarstöðina
Til að sækja um þjónustu í Hæfingarstöðinni þarftu að vera 18 ára eða eldri, vera með fötlunargreiningu og á örorkubótum, og eiga lögheimili í Reykjanesbæ, Suðurnesjabæ eða Sveitarfélaginu Vogum.
Kostnaður
- Gjald er 386 krónur á dag ef einstaklingur er í hádegismat.
Hafa samband
Hæfingarstöðin er staðsett að Keilisbraut 755 í Reykjanesbæ.
Hægt er að hafa samband:
- í síma 420 3250
- með tölvupósti á haefingarstod@reykjanesbaer.is