Fjármála- og stjórnsýslusvið veitir þjónustu og ráðgjöf þvert á starfsemi Reykjanesbæjar. Sviðið hefur forystu um vandaða stjórnsýslu, þróun vinnubragða og aukna rafræna þjónustu.
Fjármál og rekstur
Sviðið sér um fjármálastjórn bæjarsjóðs og stofnana hans. Helstu verkefni eru að:
- vinna og miðla fjárhagsupplýsingum
- fylgjast með tekjum og útgjöldum
- hafa umsjón með lána- og sjóðastýringu
- samræma innkaup sveitarfélagsins samkvæmt lögum um opinber innkaup nr. 120/2016
- bæta verklag og auka hagkvæmni í rekstri
Launa- og kjaramál
Launa- og kjaradeild sér um launavinnslu og styður stjórnendur í ráðningarmálum. Deildin hefur einnig umsjón með jafnlaunakerfi sveitarfélagsins.
Mannauðsmál
Mannauðsdeild veitir stjórnendum ráðgjöf og stuðning í mannauðsmálum.
Við leggjum áherslu á að:
- laða að öflugt starfsfólk
- styðja við starfsþróun
- skapa góðan vinnustað
- efla símenntun og jafnrétti
Markmiðið er að starfsfólk geti veitt íbúum og gestum góða þjónustu sem byggir á trausti og virðingu.
Persónuvernd
Persónuverndarmál veita starfsfólki stuðning og fræðslu um meðferð persónuupplýsinga samkvæmt lögum um persónuvernd og meðferð persónuupplýsinga nr. 90/2018.
Skjalavarsla og fundarþjónusta
Skjaladeild sér um skjalavörslu, notendaaðstoð og fundaritun fyrir nefndir og ráð sveitarfélagsins.
Skjalavarsla fer fram samkvæmt lögum um opinber skjalasöfn nr. 77/2014.