Menningar- og þjónustusvið leiðir saman fjölbreytta þjónustu og menningarstarfsemi Reykjanesbæjar. Sviðið vinnur að því að efla stafræna þróun, bæta þjónustu við íbúa og starfsfólk og styðja við öflugt menningar- og samfélagslíf. Undir sviðinu starfa menningarstofnanir sveitarfélagsins, auk eininga sem sinna upplýsingamiðlun, upplýsingatækni, vefmálum, markaðs- og kynningarmálum, verkefnastjórnun og annarri stoðþjónustu.
Hlutverk
Hlutverk Menningar- og þjónustusviðs er að leiða þróun og samræmingu menningar-, þjónustu- og upplýsingamála sveitarfélagsins með faglegum og skilvirkum hætti. Sviðið ber ábyrgð á að tryggja íbúum, gestum og öðrum hagaðilum auðvelt aðgengi að upplýsingum, skilvirka hágæða þjónustu og fjölbreytta menningarstarfsemi.
Sviðið hefur forystu um mótun og innleiðingu samræmdra vinnubragða, þar á meðal verkefnastjórnunar, þjónustuferla og stöðugra umbóta, og veitir jafnframt upplýsingatækniþjónustu og notendaaðstoð. Með því er stutt við skilvirkt innra starf, bætt þjónustuupplifun og tryggt að tæknilausnir nýtist sem best í þágu íbúa og starfsfólks.
Jafnframt vinnur sviðið markvisst að uppbyggingu jákvæðrar ásýndar Reykjanesbæjar með samræmdri upplýsingamiðlun, markaðs- og kynningarstarfi, vefþróun og öflugu menningar- og viðburðarhaldi. Sviðið styður við faglegt starf stofnanna sinna, eflir samstarf þeirra á milli og vinnur að sameiginlegum gæðum og samræmdum vinnubrögðum.
Starfseiningar sviðsins
Gæðamál gegna lykilhlutverki í að tryggja samræmt, skilvirkt og faglegt verklag innan
sveitarfélagsins. Með markvissri innleiðingu , reglulegri eftirfylgni og stöðugu umbótastarfi er stuðlað að því að starfsemin sé í samræmi við lögbundið hlutverk þess og væntingar íbúa. Áhersla er lögð á jafnræði í þjónustu þannig að þeir sem hafa sambærilegar þarfir njóti sömu þjónustu.Markaðsdeild Reykjanesbæjar sér um að móta, samræma og stýra ytri miðlun sveitarfélagsins með það að markmiði að efla jákvæða og trúverðuga ímynd bæjarins. Lögð er áhersla á faglega og samræmda framsetningu sem eykur sýnileika verkefna, þjónustu og viðburða. Með skýrri og reglulegri upplýsingamiðlun eru íbúar betur upplýstir um það sem er að gerast í sveitarfélaginu, um leið og miðlar bæjarins eru styrktir sem traust og lifandi upplýsingaveita.
Vefdeild Reykjanesbæjar ber ábyrgð á þróun, rekstri og viðhaldi vefsvæða sveitarfélagsins með áherslu á notendavæna, aðgengilega og örugga stafræna þjónustu. Unnið er markvisst að því að tryggja að upplýsingar séu skýrar, áreiðanlegar og auðvelt sé fyrir íbúa og gesti að finna þá þjónustu sem þeir leita að. Jafnframt er unnið að stöðugri þróun veflausna, leitarvélabestun og stafrænni nýsköpun til að bæta upplifun notenda og styðja við nútímalega og skilvirka þjónustu sveitarfélagsins.
Þjónustuver Reykjanesbæjar er fyrsta viðkomustaður margra sem leita eftir upplýsingum eða þjónustu frá sveitarfélaginu. Þar leggjum við áherslu á faglega, skýra og aðgengilega þjónustu. Við vinnum einnig að því að vefir Reykjanesbæjar séu notendavænir og auðveldi fólki að nálgast upplýsingar og þjónustu með einföldum og skilvirkum hætti.
Verkefnastofa heldur utan um verkefnastýringu og samþættingu stefnumótunar, þjónustuþróunar og umbótaverkefna þvert á svið bæjarins. Hún tryggir að stefna, gæðamál, þjónusta og þróun haldist í takt og að öll svið vinni eftir sameiginlegri stefnu, forgangsröðun og gæðaviðmiðum.
Upplýsingatæknideild Reykjanesbæjar sér um rekstur, þróun og öryggi upplýsingatæknikerfa sveitarfélagsins og tryggir að starfsfólk hafi aðgang að öruggu, stöðugu og skilvirku stafrænu starfsumhverfi. Lögð er áhersla á öfluga notendaþjónustu, örugga innviði og innleiðingu tæknilausna sem styðja við stafræna þróun og bæta þjónustu sveitarfélagsins.
Skrifstofa menningarmála ber ábyrgð á skipulagningu og framkvæmd menningarviðburða og bæjarhátíða, rekstri Duus safnahúsa og fjölbreyttum verkefnum sem efla menningarlíf í Reykjanesbæ. Lögð er áhersla á öflugt samstarf við menningarstofnanir, félagasamtök og listafólk, ásamt því að þróa menningarverkefni sem stuðla að virkri þátttöku íbúa og fjölbreyttri menningarupplifun. Með faglegri verkefnastjórn og markvissri þróun vinnur skrifstofan að því að styrkja menningarlíf sveitarfélagsins, efla ímynd þess og skapa lifandi samfélag fyrir íbúa og gesti.
Bókasafn Reykjanesbæjar samanstendur af tveimur almenningsbókasöfnum, Aðalsafni og Stapasafni, sem veita íbúum fjölbreytta bókasafns-, upplýsinga- og menningarþjónustu. Safnið leggur áherslu á að skapa aðgengileg og lifandi rými fyrir lestur, nám, sköpun og samfélag, þar sem fólk á öllum aldri getur notið fjölbreyttrar þjónustu, viðburða og fræðslu. Með öflugri safnkosti, fjölbreyttu barnastarfi og markvissri þróun þjónustu vinnur safnið að því að efla læsi, menntun, menningu og samfélagslega þátttöku í Reykjanesbæ. Nánar um bókasafnið.
Byggðasafn Reykjanesbæjar er viðurkennt safn af Safnaráði og með það hlutverk að safna, varðveita, rannsaka og miðla menningararfi svæðisins. Safnið rekur fjölbreytta sýningarstarfsemi í Duus safnahúsum og á víðar, stendur fyrir fræðslu, viðburðum og sögugöngum og vinnur markvisst að skráningu og varðveislu safnkosts fyrir komandi kynslóðir. Með starfi sínu eykur safnið skilning á sögu og menningararfi Reykjaness, styrkir samfélagsvitund og býður íbúum og gestum lifandi upplifun af sögu svæðisins. Nánar um Byggðasafnið.
Listasafn Reykjanesbæjar er viðurkennt listasafn og eina listasafnið á Suðurnesjum. Safnið stendur fyrir metnaðarfullu sýningarhaldi, varðveitir og rannsakar listaverkaeign Reykjanesbæjar og leggur ríka áherslu á fræðslu, miðlun og samstarf við samfélagið. Með fjölbreyttum sýningum, skapandi verkefnum og öflugu safnastarfi eflir Listasafnið aðgengi að myndlist, styður við listsköpun og gerir Reykjanesbæ að öflugum vettvangi fyrir samtímalist og menningarupplifun. Nánar á Lrnb.is
Rokksafn Íslands er gagnvirkt safn um sögu íslenskrar popp- og rokktónlistar frá upphafi 20. aldar til dagsins í dag. Safnið varðveitir og miðlar merkum gripum og sögum úr íslensku tónlistarlífi og býður gestum upp á lifandi upplifun þar sem tónlistarsagan er sögð með hljóði, myndum og gagnvirkum lausnum. Með starfi sínu varðveitir safnið mikilvægan menningararf og styrkir stöðu Reykjanesbæjar sem áfangastaðar fyrir menningar- og tónlistaráhugafólk. Nánar á Rokksafn.is
Hljómahöll er eitt helsta menningar- og viðburðahús landsins og lifandi samkomustaður fyrir tónlist, ráðstefnur, fundi og fjölbreytta viðburði. Húsið býður upp á fyrsta flokks sali, tæknibúnað og þjónustu fyrir tónleika, ráðstefnur, sýningar, veislur og aðra viðburði, auk þess að standa sjálft að öflugri menningardagskrá. Með fjölbreyttu viðburðahaldi og framúrskarandi aðstöðu laðar Hljómahöll að gesti víðs vegar að og gegnir lykilhlutverki í menningar- og atvinnulífi Reykjanesbæjar. Nánar á Hljomaholl.is