Á næstunni verður ráðist í tímabundnar breytingar á gatnakerfi við Grænásveg með það að markmiði að bæta umferðaröryggi og draga úr gegnumakstri um íbúðargötur. Breytingarnar voru samþykktar á fundi bæjarráðs í dag og verða framkvæmdar þegar undirbúningi þeirra er lokið.
Helstu breytingar eru:
- Þrengt verður að hægri beygju af Njarðarbraut upp Grænásveg.
- Vinstri beygja af Grænásvegi inn á Njarðarbraut verður bönnuð.
- Gatnamót Bergáss og Grænásvegar verða lokuð fyrir akandi umferð.
Markmið breytinganna er að auka öryggi í hverfinu og draga úr umferð sem nýtir íbúðargötur sem hjáleið.
Breytingarnar eru tímabundnar og verður áhrif þeirra á umferðarflæði og umferðaröryggi metið áður en ákvörðun verður tekin um framhaldið.
