196. fundur íþrótta- og tómstundaráðs Reykjanesbæjar

Samningur um eflingu barnastarfs Sundráðs ÍRB lagður fram og samþykktur.

Hafþór Birgisson íþrótta- og tómstundafulltrúi Reykjanesbæjar sagði frá vinnu við að afla efnis vegna vetrarstarfs í íþróttum og tómstundum. Skil á auglýsingum þurfa að berast fyrir 1. september nk.

Íþrótta- og tómstundaráð skorar á íþrótta- og tómstundafélög Reykjanesbæjar að vera með viðburði í tengslum við Ljósanótt í Reykjanesbæ.

Eva Stefánsdóttir formaður nefndar um uppbyggingu íþróttamannvirkja vestan Nettóhallar fór yfir stöðu verkefnisins. Tillögur stýrihóps verða lagðar fram til bæjarfulltrúa á næstu vikum til samþykktar.

Íþrótta- og tómstundaráð fór yfir gögn er varðar nauðsynlegar umbætur á knattspyrnuvöllum félaganna. 

Ráðið tekur undir tillögur knattspyrnufélaganna og mikilvægi þess að ráðast þurfi í umbætur. Ráðið vísar erindinu til stjórnar eignasjóðs. 

Birgir Már Bragason framkvæmdastjóri Keflavíkur íþrótta- og ungmennafélags mætti á fundinn og kynnti starfsemi félagsins.

Íþrótta- og tómstundaráð þakkar fyrir metnaðarfulla kynningu.