197. fundur íþrótta- og tómstundaráðs Reykjanesbæjar

Þórdís Halla Jónsdóttir, Karítas Lára Rafnkelsdóttir og Gunnhildur Gunnarsdóttir mættu á fundinn og kynntu Hlýjuna, nýja lágþröskuldarþjónustu fyrir ungmenni.

Íþrótta og tómstundaráð fagnar framgangi verkefnisins Hlýjunnar sem miðar að því að styðja við ungmenni í Reykjanesbæ með lágþröskuldarþjónustu. Lögð er áhersla á mikilvægi þess að veita ungmennum öruggt og aðgengilegt úrræði sem samræmist einu af stefnumarkmiðum Reykjanesbæjar, börnin mikilvægust. Að auki hafa fulltrúar ungmennaráðs Reykjanesbæjar kallað eftir þjónustu sem þessari.

Íþrótta- og tómstundaráð minnir á Lýðheilsu- og forvarnarviku sem haldin verður í Reykjanesbæ 29. september til 3. október nk. Markmið vikunnar er að efla vitund um heilsueflingu og forvarnir meðal íbúa sveitarfélagsins. Margt verður í boði, m.a. frítt í Vatnaveröld, heilsufarsskoðun og heyrnarmælingar. Hægt er að kynna sér dagskrána á vefslóðinni https://visitreykjanesbaer.is/vidburdadagatal/heilsu-og-forvarnarvika/

Hafþór Barði Birgisson íþrótta- og tómstundafulltrúi fór yfir drög að fjárhagsramma íþrótta- og tómstundamála og tímaáætlun fjárhagsáætlunarvinnu vegna ársins 2026, sem og þær beiðnir sem borist hafa fyrr á árinu.

Frístundavefurinn fristundir.is veitir yfirsýn yfir allt það fjölbreytta sem í boði er í Reykjanesbæ. Þar er einfalt að sía niðurstöður eftir aldri og staðsetningu, og því geta íbúar Reykjanesbæjar valið „Reykjanesbær“ til að sjá það sem er í boði í sveitarfélaginu.

Á vefnum má einnig finna hugmyndir að skemmtilegum stöðum fyrir útivist og samveru. Íbúar eru hvattir til að kynna sér úrvalið.

https://www.reykjanesbaer.is/is/moya/news/category/6/margt-og-mikid-i-bodi-i-vetur

Eva Stefánsdóttir formaður íþrótta- og tómstundaráðs fór yfir stöðu verkefnisins.

Íþrótta- og tómstundaráð leggur áherslu á að keypt verði tæki til að þjónusta útigervigrasvöllinn vestan Nettóhallar sem allra fyrst.