198. fundur íþrótta- og tómstundaráðs Reykjanesbæjar

Eydís Rós Ármannsdóttir verkefnastjóri mætti á fundinn og kynnti stöðu innleiðingar farsældar barna hjá Reykjanesbæ.

Íþrótta- og tómstundaráð þakkar fyrir greinargóða kynningu.

Íþrótta- og tómstundaráð þakkar íbúum, stofnunum og fyrirtækjum fyrir virka þátttöku í lýðheilsu- og forvarnarviku Reykjanesbæjar sem fram fór dagana 29. september - 5. október.

Flugmódelfélag Suðurnesja óskar eftir styrk vegna endurbóta á aðstöðu félagsins.

Íþrótta- og tómstundaráð vísar erindinu til umræðu um fjárhagsáætlun 2026.

Eva Stefánsdóttir formaður stýrihóps gerði grein fyrir framvindu vinnu við uppbygginguna.

Hafþór Barði Birgisson, íþrótta- og tómstundafulltrúi, fór yfir stöðuna á vinnu við undirbúning fjárhagsáætlunar fyrir málaflokk íþrótta-, tómstunda- og lýðheilsumála árið 2026.

Hámundur Örn Helgason framkvæmdastjóri UMFN og Hafsteinn Ingibergsson forstöðumaður íþróttamannvirkja mættu á fundinn og kynntu fyrirhugaðar framkvæmdir við endurbætur á æfingaaðstöðu Massa, lyftingadeildar UMFN í íþróttahúsinu í Njarðvíkurhverfi, Ljónagryfjunni. Þarfagreining ásamt teikningum og frumkostnaðarmati lögð fram.

Íþrótta- og tómstundaráð tekur jákvætt í erindið og vísar því til bæjarráðs.