280. fundur atvinnu- og hafnarráðs Reykjanesbæjar

Halldór Karl Hermannsson, sviðsstjóri atvinnu- og hafnarsviðs, fór yfir drög að fjárhagsáætlun Reykjaneshafnar fyrir árið 2024 ásamt áætlun til næstu ára þar á eftir. Einnig fór hann yfir þær fjárfestingar sem fara þarf í á komandi árum. 

Atvinnu- og hafnarráð samþykkir fyrirliggjandi fjárhagsáætlun ársins 2024 ásamt áætlun vegna áranna 2025-2027. 

Farið var yfir  stöðuna á vinnu við starfsáætlun atvinnu- og hafnarsviðs fyrir árið 2024.  

Farið var yfir stöðuna á vinnu við atvinnustefnu Reykjanesbæjar. 

Farið var yfir þau mál sem til umfjöllunar eru hjá samráðsnefnd um þróun hafnarsvæða.

Útboð vegna dýpkunar Njarðvíkurhafnar fer í aulýsingu á útboðsvef Vegagerðarinnar og útboðsvef opinberra innkaupa á morgun, föstudaginn 24. nóvember. Tilboðum skal skila inn í síðasta lagi fyrir kl. 14:00 þriðjudaginn 9. janúar 2024.

Atvinnu- og hafnarráð lýsir yfir ánægju sinni með að fyrsti áfangi framkvæmdanna í Njarðvíkurhöfn sé að hefjast og telur að nú sé rétt að huga að næstu skrefum í þeirri uppbyggingu sem framundan er í Njarðvíkurhöfn. Þær framkvæmdir kalla m.a. á nýja aðkomu að hafnarsvæðinu sem og breytingu á legu yfirfallslagnar hreinsistöðvarinnar að Fitjum. Atvinnu- og hafnarráð felur sviðsstjóra að óska eftir fundi með fulltrúum umhverfis- og framkvæmdasviðs Reykjanesbæjar til að fara yfir þessi mál. 

Fundargerðir 457. fundar og 458. fundar Hafnasambands Íslands frá 19.10.23 annars vegar og 17.11.23 hins vegar lagðar fram. 

Bréf innviðaráðuneytisins dags. 10.11.23 þar sem tilkynnt er um breytingu á reglugerð nr. 614/2014. Í breytingunni felst að Helguvíkurhöfn er ekki lengur útnefnd skipaafdrep innan hafnar.

Atvinnu- og hafnarráð lýsir ánægju sinni með viðkomandi breytingu sem hún telur löngu tímabæra. 

Sviðsstjóri fór yfir mælaborð atvinnu- og hafnarsviðs.

Sviðsstjóri fór yfir stöðu ýmissa mála er varða starfsemi sviðsins.