3. fundur umhverfis- og framkvæmdaráðs Reykjanesbæjar

Erindisbréf umhverfis- framkvæmdaráðs lagt fram til umræðu.

Guðlaugur Helgi Sigurjónsson sviðsstjóri umhverfis- og framkvæmdasviðs fór yfir framkvæmdir sem eru í undirbúningi við Njarðarbraut, Bergás og Grænásveg.

Umhverfis- og framkvæmdaráð ítrekar að hringtorg við Bergás verði sett í forgang eins og áður hefur verið samþykkt og sviðsstjóra falið að óska eftir við bæjarráð að framkvæmd þess verði samhliða eða í beinu framhaldi af lagningu göngustíga frá Fitjum að Fitjabraut. En sú framkvæmd fór í verðkönnun og hefst framkvæmd á næstu dögum. Á næsta fundi samráðshóps umhverfis- og framkvæmdaráðs, skipulagsráðs og atvinnu- og hafnarráðs  verði sameinast um eina leið til þess að leysa umferðarvanda tengdan gatnamótum Grænás-Njarðarbrautar og flutningsleiða til og frá Njarðvíkurhöfn en nú er tækifæri til þess að móta þetta svæði þar sem bæjarráð hefur samþykkt makaskipti á lóðunum Sjávargötu 4 og Berghólabraut 9a.  

Margrét Lilja Margeirsdóttir deildarstjóri umhverfismála fór yfir þau verkefni sem lagt er til að farið verði í á árinu 2027.

Lagt fram.

Starfsmenn eignaumsýslu leggja til að farið verði í að rífa eða fjarlægja gamla gæsluhúsið á Miðtúnsróló. Lagt er til að þetta verði sent í verðkönnun.

Máli vísað til bæjarráðs.

Katrín Sandholt og Berglind Heiða, fulltrúar frá Hagsmunasamtökum íbúa á Ásbrú mættu á fundinn og kynntu tillögur til að bæta samfélagið á Ásbrú. 

Umhverfis- og framkvæmdaráð þakkar fyrir kynninguna og fagnar stofnun þessara samtaka og frumkvæði sjálfboðaliða.

Reykjanesbær efnir til atvinnu- og framkvæmdaþings þar sem sjónum verður beint að atvinnulífi, uppbyggingu og þeim fjölmörgu tækifærum sem eru í sveitarfélaginu. 

Umhverfis- og framkvæmdaráð fagnar því hversu sýnileg fyrirtæki og félagasamtök eru orðin í samfélaginu. 

Ráðið hvetur enn fremur einstaklinga og fyrirtæki til þess að skrá sig á Atvinnu- og framkvæmdaþing Reykjanesbæjar 2026 þann 16. september en þar munu öll stærstu fyrirtækin sem eru í uppbyggingu þessa stundina greina frá sínum áformum.

Lögð fram skýrsla Kadeco sem unnin er af Verkfræðistofu Suðurnesja um ástand niðurgrafinna olíutanka sem staðsettir eru austan Reykjanesbrautar, milli Grænásvegar í suðri og Þjóðbrautar í norðri. 

Fundargerð samráðshóps atvinnu- og hafnarráðs, skipulagsráðs og umhverfis- og framkvæmdaráðs frá 1. september 2026 lögð fram.

Umhverfis- og framkvæmdaráð fagnar því að sett hafi verið saman samráðshópur umhverfis- og framkvæmdaráðs, atvinnu- og hafnaráðs og skipulagsráðs vegna allra þeirra mikilvægu málaflokka sem skarast á milli þessara ráða. 

Ráðið vísar 5. máli fundargerðarinnar til umræðu í bæjarráði.

Aron Heiðar Steinsson veitustjóri Reykjanesbæjar lagði fram leiðbeiningar um Ljósvist Reykjanesbæjar.

Umhverfis- og framkvæmdaráð samþykkir þessar leiðbeiningar.

Minnt á umferðarþing sem fer fram 22. september 2026. Fulltrúar umhverfis- og framkvæmdaráðs hvattir til að mæta.

Umhverfis- og framkvæmdaráð hvetur áhugasama að sækja umferðarþing 2026.

Farið yfir niðurstöður starfshóps um viðurkenningar umhverfisverðlauna sem afhentar voru á Ljósanótt. 

Umhverfis- og framkvæmdarráð óskar þeim sem fengu viðurkenningar innilega til hamingju.

Aðalheiður Júlírós Óskarsdóttir gæðastjóri og Hrefna Gunnarsdóttir persónuverndarfulltrúi mættu á fundinn og kynntu ábendingagátt Reykjanesbæjar.

Lagðar fram hugmyndir Brynjólfs Ívarssonar um uppbyggingu á Patterson svæðinu.

Umhverfis- og framkvæmdaráð felur Margréti Lilju Margeirsdóttur deildarstjóra umhverfismála að ræða um framtíð Patterson svæðisins við Kadeco.