400. fundur skipulagsráðs Reykjanesbæjar

Kanon arkitektar leggja fram drög að breytingu á deiliskipulagi fyrir hönd atNorth. Lóðirnar Sjónarhóll 2a, b og c eru sameinaðar í stærri lóð. Nýtingarhlutfall lækkað og óskað eftir að hámarkshæð byggingar á lóð hækki úr 10 m. í 17-18 m.

Afgreiðslu frestað.

JeES arkitektar leggja fram drög að breytingu á deiliskipulagi fyrir hönd Reykjanesbæjar. Óskað er heimildar til að kynna drögin fyrir íbúum áður en lögformlegt kynningarferli hefst. Jafnframt er óskað eftir að lokað verði fyrir úthlutun lóða í hverfinu á meðan tekin er afstaða til deiliskipulagsbreytinga.

Skipulagsráð samþykkir heimild til að hefja forkynningu og stöðva úthlutun lóða tímabundið.

Suðurnesjabær óskar umsagnar um tillögu að deiliskipulagi Bergvíkur.

Skipulagsráð ítrekar fyrri umsögn Reykjanesbæjar dags. 2. júní 2026 um vinnslutillögu: 

Reykjanesbær leggur áherslu á iðnað sem samræmist íbúðabyggð í Reykjanesbæ. Uppbygging iðnaðar skal uppfylla skilyrði um bestu aðgengilegu tækni (BAT) og lög um hollustuhætti og mengunarvarnir nr. 7/1998. Mikilvægt er að íbúum í nágrenni iðnaðarsvæðis verði tryggð heilnæm lífsskilyrði og njóti heilnæms og ómengaðs umhverfis, í samræmi við markmið laganna. Ráðið gerir alvarlegar athugasemdir við áætlaðan reykháf sem skv. gögnum gæti trónað í 150 m. hæð yfir sjó og þar með myndað helsta kennileitið á Reykjanesi. Einnig óskar ráðið eftir samtali milli Reykjanesbæjar og Suðurnesjabæjar um fráveitumál svæðisins ásamt vegtengingum á milli sveitarfélaganna.

Bergþór Bjarkarsson óskar eftir heimild til að reisa um 31 m2 viðbyggingu sbr. uppdrátt Mannvirkja og malbiks dags 20. ágúst 2026. 

Skipulagsráð samþykkir erindið með fyrirvara um grenndarkynningu án athugasemda skv. 44. grein skipulagslaga, málsgrein 2.

Grétar Gíslason óskar eftir heimild til að reisa um 28 m2 viðbyggingu sbr. uppdrátt Riss verkfræðistofu dags 23. júní 2026.

Skipulagsráð samþykkir erindið með fyrirvara um grenndarkynningu án athugasemda skv. 44. grein skipulagslaga, málsgrein 2.

Sjens ehf. óskar eftir lóðarstækkun vegna fyrirhugaðrar uppbyggingar á svæðinu sbr. drög að lóðarblaði frá Verkfræðistofu Suðurnesja dags 30. október 2026.

Uppfæra þarf gögn. Afgreiðslu frestað.

Reykjanes Investment ehf. óskar eftir þróunarsamningi um spildu á Flugvöllum sem samkvæmt gildandi deiliskipulagi er ætlað fyrir geymslu á stærri ökutækjum. Á spildunni kæmi verslunar- og þjónustubygging.

Skipulagsráð hafnar erindinu.

Verne Global ehf. endurnýjar umsókn um framkvæmdaleyfi til að fara í jarðvinnu við nýtt gagnaver á 24.000 m2 lóðinni Valhallarbraut 868. Framkvæmdaleyfi með gildistíma til 26. október var samþykkt á 391. fundi skipulagsráðs, óskað er eftir framlengingu á gildistíma til loka febrúar 2027.

Skipulagsráð samþykkir erindið skv. 13. gr. og 3. mgr. 43. gr. skipulagslaga.

Lagt fram erindi frá Sólbrekku ehf. um þróunarsamning til 24 mánaða um landsvæði við og í kringum Seltjörn. Bæjarráð vísaði erindinu til umsagnar í umhverfis- og framkvæmdaráði, íþrótta-, tómstunda- og menningarráði og skipulagsráði.

Skipulagsráð gerir ekki athugasemd við fyrirhugaða landnýtingu en vísar til samkomulags við Jarðvang um sama svæði. Mikilvægt er að uppbygging taki tillit til núverandi starfsemi á svæðinu og aðgengis almennings.

Fundargerð 5. fundar umhverfis- og framkvæmdaráðs lögð fram til kynningar.

Fundargerð 58. fundar svæðisskipulagsnefndar Suðurnesja lagðar fram til kynningar.

Ævar Valgeirsson sækir um lóðina Völuás 9 með skilyrðum um lægri gatnagerðargjöld og breytingu á deiliskipulagi svo húsið verði á einni hæð.

Skipulagsráð hafnar erindinu.