5. fundur umhverfis- og framkvæmdaráðs Reykjanesbæjar

Magnþór Breki Ragnarsson, verkefnastjóri viðhalds og framkvæmda og Hreinn Ágúst Kristinsson deildarstjóri eignaumsýslu fóru yfir stöðu verkefna eignaumsýslu.

Guðlaugur Helgi Sigurjónsson, sviðsstjóri umhverfis- og framkvæmdasviðs, Margrét Lilja Margeirsdóttir deildarstjóri umhverfismála, Aron Heiðar Steinsson veitustjóri og Hreinn Ágúst Kristinsson deildarstjóri eignaumsýslu fóru yfir áherslur sviðsins við gerð fjárhagsáætlunar fyrir árið 2027.

Guðlaugur Helgi Sigurjónsson, sviðsstjóri umhverfis- og framkvæmdasviðs, fór yfir þær framkvæmdir sem eru í undirbúningi við Njarðarbraut, Bergás og Grænásveg.

Umsögn barst frá samráðsnefnd atvinnu- og hafnarráðs, skipulagsráðs og umhverfis- og framkvæmdaráðs. Umhverfis- og framkvæmdaráð felur sviðsstjóra að vinna áfram að fullnaðarhönnun og kostnaðarmati á hringtorgi á gatnamótum Grænásvegar og Njarðarbrautar samkvæmt fyrirliggjandi deiliskipulagi.

Fundargerð samráðsnefndar atvinnu- og hafnarráðs, skipulagsráðs og umhverfis- og framkvæmdaráðs frá 8. október 2026 lögð fram.

Þann 5. október 2026 barst Reykjanesbæ áskorun frá fjölda fyrirtækja á Reykjanesi þar sem kallað er eftir endurskoðun og eflingu vetrarþjónustu á Nesvegi, þjóðvegi 425. Í erindinu er bent á mikilvægi vegarins fyrir atvinnustarfsemi á svæðinu, öryggi vegfarenda og hlutverk hans sem mikilvægrar flótta og viðbragðsleiðar. Núverandi þjónusta er takmörkuð við þrjá daga í viku og telja fyrirtækin að þjónustan fullnægi ekki þeirri umferð, atvinnustarfsemi og öryggisþörf sem er á svæðinu.

Umhverfis- og framkvæmdaráð tekur undir áhyggjur hagaðila og skorar á Vegagerðina að endurskoða þjónustuflokkun og þjónustustig Nesvegar.

Ráðið telur einnig mjög mikilvægt að Vegagerðin skilgreini Nesveg sem stofnveg og tryggi í framhaldinu að hann verði greiðfær og öruggur allan ársins hring og geti þannig mætt vaxandi flutningsþörfum í takt við uppbyggingu atvinnustarfsemi og aukinnar umferðar ferðamanna á Reykjanesinu.