Við erum að fínstilla nýjan vef – Upplifun þín skiptir okkur máli. Ef þú finnur villu, saknar upplýsinga eða sérð eitthvað sem mætti bæta, máttu endilega senda okkur ábendingu.

Beint í efni
Mínar síður
Hlusta

Dagforeldrar í Reykjanesbæ

Dagforeldrar eru mikilvægur hluti af dagvist barna í Reykjanesbæ. Úrræðið hentar vel fyrir yngri börn og býður upp á heimilislegt og öruggt umhverfi.

Hvað felst í daggæslu hjá dagforeldrum?

Dagforeldrar bjóða daggæslu barna í heimahúsum og starfa sjálfstætt með starfsleyfi frá Gæða- og eftirlitsstofnun velferðarmála, að fenginni umsögn frá okkur í Reykjanesbæ, en við sinnum áfram eftirliti og stuðningi við starfsemina; hvert dagforeldri má vera með allt að fimm börn í einu.

Algengar spurningar

Spurt og svarað um dagforeldra

Hvernig finnur þú dagforeldri?

Við mælum með að þú talir við tvo eða fleiri dagforeldra, kynnir þér starfsemina vel og veljir það sem hentar barninu þínu best.

Gæslusamningur og uppsögn

Þú og dagforeldrið gerið með ykkur gæslusamning, þar sem uppsagnarfrestur er einn mánuður og uppsögn miðast við 1. eða 15. hvers mánaðar, en fyrsti mánuðurinn er reynslutími.

Gjaldskrá og niðurgreiðsla

Dagforeldrar eru með eigin gjaldskrá. Við í Reykjanesbæ greiðum niður daggæsluna samkvæmt reglum.

Frá 1. janúar 2026 eru upphæðirnar:

  • 100.036 kr. fyrir barn yngra en 18 mánaða
  • 142.917 kr. fyrir barn 18 mánaða eða eldra

Einnig er hægt að fá auka niðurgreiðslu vegna fleirbura.

Umsjón og stuðningur

Leikskólafulltrúi heldur utan um málefni dagforeldra. Þar færðu bæði stuðning og aðstoð ef þörf krefur. Ef upp kemur ágreiningur geturðu leitað til leikskólafulltrúa.

Hafa samband:

Samtök dagforeldra

Formaður Samtaka dagforeldra á Suðurnesjum er Kittý Guðmundsdóttir.