Tómstundamiðstöð Reykjanesbæjar heldur utan um margvíslega starfsemi og þjónustu fyrir börn og ungmenni Reykjanesbæjar.
Má þar helst nefna:
- Rekstur og umsjón með félagsmiðstöðvum Reykjanesbæjar - Fjörheimum
- Rekstur og stjórnun á Vinnuskóla Reykjanesbæjar auk atvinnutengds náms
- Umsjón og leiðsögn með Ungmennaráði Reykjanesbæjar
- Umsjón og verkefnastýring á innleiðingarferli verkefnisins Barnvænt Sveitarfélag í samvinnu við UNICEF
- Faglegt utanumhald og daglegur rekstur Listasmiðju Reykjaness
- Umsjón með þverfaglegum forvarnarhópi Reykjanesbæjar - Samtakahópnum
- Umsjón með Hlýjunni sem er einstaklingsmiðuð ráðgjöf og þjónusta fyrir börn og ungmenni á aldrinum 13 til 18 ára í Reykjanesbæ
- Fjölbreytt viðburðahald s.s. árlegir forvarnardagar, ungmennaþing, ráðstefnur, ungmennaskipti Erasmus+ og ýmsar skemmtanir fyrir börn og ungmenni sveitarfélagsins
- Þróun og innleiðing á ýmsum nýsköpunar- og forvarnarverkefnum í samstarfi við aðrar stofnanir og starfsfólk Reykjanesbæjar
Hlutverk og markmið
Helstu hlutverk og markmið Tómstundamiðstöðvar eru:
Heildræn stefnumótun og samfella í þjónustu: Samræming verkefna félagsmiðstöðva fyrir alla íbúa í öllum hverfum, svo sem forvarnir, lýðheilsuverkefni, samstarf við skóla og aðra aðila og samfélagsþróun.
Faglegur styrkur og aukin gæði: Miðstöðin vinnur í átt að faglegu umhverfi fyrir starfsfólk á vettvangi, stuðlar að aukinni menntun og símenntun á vettvangnum og tryggir gæðaviðmið í starfi.
Jafnt aðgengi fyrir alla íbúa: Með samræmdu starfi má tryggja að börn, unglingar, eldri borgarar og aðrir hópar njóti jafnra tækifæra til þátttöku – óháð búsetu.
Sýnileiki og samvinna: Miðstöðin starfar sem tengiliður milli ólíkra aðila í samfélaginu (t.d. skóla, íþrótta- og æskulýðsfélaga) og skapar samráðsvettvang um þróun tómstunda til framtíðar.
Innleiðing stefnu og nýsköpun: Sér um að innleiða stefnumarkandi aðgerðir Tómstundastefnu Reykjanesbæjar, þróa ný úrræði og bregðast við þörfum samfélagsins eftir því sem þær breytast
