Við erum að fínstilla nýjan vef – Upplifun þín skiptir okkur máli. Ef þú finnur villu, saknar upplýsinga eða sérð eitthvað sem mætti bæta, máttu endilega senda okkur ábendingu.

Beint í efni
Mínar síður
Hlusta

Tómstundastarf

Í Reykjanesbæ er fjölbreytt tómstundastarf sem styður við félagslíf, skapandi starf og virka þátttöku í samfélaginu. Starfið fer fram á mismunandi vettvangi, meðal annars í félagsmiðstöðvum, í opnu starfi og í ýmsum verkefnum sem stuðla að virkni og vellíðan

Frístundir.is

Á frístundir.is færðu góða yfirsýn yfir allt það fjölbreytta frístundastarf sem í boði er í Reykjanesbæ.

Hvað finnur þú á fristundir.is?

Vefurinn gerir þér kleift að sía framboð eftir aldri og staðsetningu, þannig að auðvelt er að finna það sem hentar hverjum og einum.

Á vefnum má einnig finna hugmyndir að skemmtilegum stöðum fyrir útivist og samveru. Hvort sem áhuginn liggur í íþróttum, listum, útivist eða annarri tómstundastarfsemi ættu öll að geta fundið eitthvað við sitt hæfi.

Linkur á frístundir.is

Virkjun

Virkjun er tómstunda- og félagsmiðstöð fyrir einstaklinga 18 ára og eldri. 

Hvað er Virkjun?

Þar er boðið upp á fjölbreytta afþreyingu og félagsstarf fyrir alla sem hafa áhuga, hvort sem fólk er í atvinnuleit eða ekki.

Í húsnæðinu er meðal annars að finna smíðaverkstæði, fönduraðstöðu fyrir málun og handverk, kaffiaðstöðu og rými fyrir ýmiss konar félagsstarf. Einnig fara þar reglulega fram leikir og mót í billjard og pílukasti. Bridge-félag Reykjanesbæjar og Flugmódelklúbburinn hafa jafnframt aðstöðu í húsnæðinu.

Staðsetning: Flugvallarbraut 740, 262 Reykjanesbæ (gengið inn að aftan)
Opnunartími: Mánudagar og fimmtudagar kl. 08:00–16:00
Sími: 824 1280