◉ Vallarbraut 20, 260 Reykjanesbær
@ hjallatun@hjallatun.is
✆ 420 3150
◴ 07:30 – 16:15
Um leikskólann
Hjallatún tók til starfa í janúar 2001. Leikskólinn var upphaflega fjögurra deilda skóli en árið 2014 var byggt við hann og varð hann þá sex deilda skóli.
Í Hjallatúni dvelja 97 börn á aldrinum tveggja til sex ára. Boðið er upp á sveigjanlega vistunartíma, frá fjórum klukkustundum upp í átta og hálfa klukkustund á dag.
Hjallatún er opinn leikskóli þar sem börn og starfsfólk flæða milli deilda.
Hugmyndafræði
Námssvið leikskóla eru áhersluþættir í leikskólastarfi. Þau eru hreyfing, málrækt, myndsköpun, tónlist, náttúra og umhverfi og menning og samfélag.
Námssviðin skarast og eru samofin leik, daglegri umönnun og almennri lífsleikni. Í Hjallatúni er leitast við að flétta þau inn í allt starf leikskólans.
Við höfum það að leiðarljósi að í hverju barni búi styrkleikar og hæfileikar. Markmið okkar er að finna þann auð og byggja á því sem barnið gerir vel. Þaðan styðjum við barnið áfram í þroska og námi á öðrum sviðum.
Í starfinu styðjumst við við fjölgreindarkenningu Howard Gardner.
Einkunnarorð Hjallatúns eru
LEIKUR – LÝÐRÆÐI – SAMSKIPTI
