Umsóknir tengdar leikskólum
Algengar spurningar
Vala appið er fyrir forráðamenn sem eru með börn í leikskóla í þeim sveitarfélögum sem nota Völu leikskólakerfið. Með Völu appinu geta forráðmenn á einfaldan og þægilegan máta átt samskipti við sinn leikskóla um eiginlega allt sem varðar vistun barna. Sækja fyrir IOS | Sækja fyrir Android
Einstæðir foreldrar og foreldrar í fullu dagnámi geta sótt um niðurgreiðslu tímagjalds. Fullt dagnám eru 15 einingar í framhaldsskóla eða 30 einingar í háskóla.
Sækja skal um niðurgreiðslu tímagjalds á Vala Leikskóli. Endurnýja þarf umsóknina í ágúst ár hvert.
Niðurgreiðsla til námsmanna gildir ekki á tímabilinu 1. júní – 31. ágúst.
Systkinaafsláttur er gefinn af niðurgreiddu tímagjaldi ef systkini eru hjá dagforeldrum, í leikskóla eða frístund.
Sótt er um leikskólavist á reykjanesbaer.is, sjá neðar á síðunni. Foreldrar fá staðfestingu á umsókn í tölvupósti.
Sækja má um leikskóla frá fæðingardegi barns eða strax og kennitala þess hefur verið skráð. Börn eru skráð á biðlista við eins árs aldur og raðast þau á listann eftir fæðingardegi og ári. Börn innritast í leikskóla eftir kennitölu, þau elstu fyrst. Það sama gildir um þjónustureknu leikskólanna.
Úthlutun fer fram í mars ár hvert og eru boð um leikskólapláss send í tölvupósti, þar eru foreldrar beðnir um að staðfesta plássið með því að senda tölvupóst.
Skilyrði fyrir leikskóladvöl er að lögheimili barnsins og föst búseta sé í Reykjanesbæ og að foreldrar barnsins séu ekki í vanskilum vegna leikskólagjalda.
