Aðalskipulag
Aðalskipulag er stefnumótandi skipulagsáætlun fyrir allt sveitarfélagið. Þar er sett fram stefna um framtíðarnotkun lands og þróun byggðar til 15 ára í senn. Sveitarstjórn ber ábyrgð á gerð aðalskipulags og skal endurskoða það á fjögurra ára fresti í upphafi kjörtímabils. Aðalskipulag tekur gildi þegar það hefur verið samþykkt í sveitarstjórn og staðfest af Skipulagsstofnun.
Skipulagsauglýsingar
Skipulagsmál í vinnslu eru auglýst opinberlega. Hagsmunaaðilar eru hvattir til að kynna sér málin og senda inn athugasemdir innan auglýsts frests.
Athugasemdir má senda: skipulag@reykjanesbaer.is
Athugasemdir teljast opinber gögn samkvæmt skipulagslögum og birtast meðal annars í fundargerðum ráða.
Skipulagsauglýsingar eru birtar á vef Reykjanesbæjar undir Skipulagsauglýsingar.
Grenndarkynning
Grenndarkynning fer fram þegar:
- Deiliskipulag liggur ekki fyrir
- Um óverulega breytingu á deiliskipulagi er að ræða
- Framkvæmd getur haft áhrif á nágranna
Nágrönnum sem taldir eru eiga hagsmuna að gæta er gefinn kostur á að tjá sig innan a.m.k. fjögurra vikna.
Dæmi um þegar grenndarkynning á við:
- Viðbygging eða bílskúr
- Bygging á auðri lóð í þegar byggðu hverfi
- Hækkun þaks
- Fjölgun íbúða
- Breyting á lóðamörkum eða bílastæðum
- Leiksvæði
- Hljóðveggir
Skipulagsnefnd metur í hverju tilviki hverjir teljast hagsmunaaðilar.
Deiliskipulag
Deiliskipulag nær til afmarkaðra svæða, svo sem hverfa eða lóða. Þar eru sett nákvæm ákvæði um:
- Byggingarheimildir
- Notkun lands
- Legu gatna og lóða
- Byggingarmagn og hæðir
- Frágang umhverfis
Áður en deiliskipulag er samþykkt er það auglýst og lagt fram til kynningar í að minnsta kosti sex vikur. Þá geta íbúar sent inn athugasemdir.
Hvar finn ég deiliskipulag?
- Á Kortavef Reykjanesbæjar (Skipulag – Deiliskipulag)
- Í Skipulagsvefsjá