Tómstundabandalag Reykjanesbæjar (TBR) var stofnað árið 2002 og er bandalag áhugamannafélaga og tómstundaklúbba sem standa utan Íþrótta- og Ólympíusambands Íslands (ÍSÍ). Áhersla er lögð á að koma til móts við þarfir þeirra sem hafa þörf fyrir afþreyingu og skemmtun fremur en keppni og afrek. Bandalagið virðir þó fullkomlega skoðanir íþróttahreyfinga og annarra sem kjósa keppnis- og afreksíþróttir.

Tilgangur bandalagsins er að vinna að eflingu og skipulagningu hverskonar tómstunda- og félagsstarfs í Reykjanesbæ og annast samstarf bandalagsaðila við bæjarstjórn og aðra.

Markmið TBR er að þau félög sem eru aðilar að bandalaginu hafi samastað fyrir eignir og geti starfað án vandræða og mikils kostnaðar. Að tenging bandalagsaðila við bæjaryfirvöld verði markvissari. Aukin samvinna eflir félögin sem skilar sér í fjölbreyttara úrvali og meiri breidd fyrir íbúa Reykjanesbæjar.

Fulltrúi Tómstundabandalagsins hefur tillögurétt og málfrelsi á fundum Íþrótta- og tómstundaráðs Reykjanesbæjar.

Allar upplýsingar um TBR gefur Andri Víðisson formaður í síma 840 - 1166 eða á netfangið andri.vidisson(hja)gmail.com