Um endurhæfingu

Endurhæfing miðar að því að gefa einstaklingum tækifæri til að efla færni sína á ýmsum sviðum.

• Boðið er upp á námskeið, hópastarf, fræðslu og ráðgjöf þar sem lögð er áhersla á að auka þekkingu og vitund einstaklingsins á þáttum sem stuðla að bata hans.
• Endurhæfing felur m.a. í sér hópatíma tvisvar í viku, regluleg viðtöl hjá ráðgjafa og einstaklingsmiðaða virkni yfir daginn. Gerð er krafa um 80% mætingu í endurhæfingu.

Unnið er að því að þjálfa þá grunnhæfni sem nauðsynleg er til þess að blómstra og vera virkur meðlimur samfélagsins.

Einstaklingar sem stunda endurhæfingu í Björginni fá ráðgjafa sem heldur utan um þeirra endurhæfingu og veitir aðstoð við að sækja um endurhæfingarlífeyri hjá Tryggingastofnun ríkisins.

Hvernig sæki ég um í endurhæfingu?

Endurhæfing Bjargarinnar tekur inn nýja einstaklinga á haustönn og vorönn.

• Panta þarf tíma hjá ráðgjafa til þess að skrá sig á biðlista í endurhæfingu á komandi önn.
• Til þess að panta tíma skal senda tölvupóst á:

• • bjorgin@reykjanesbaer.is
  • Ráðgjafar í endurhæfingu er Helga Rósa Atladóttir og Þórunn Sif Ingvarsdóttir
  • Það má einnig panta tíma í síma 420 3270.

• Einnig geta félagsþjónustur á Suðurnesjum og heilbrigðisstofnanir verið tengiliður við ráðgjafa Bjargarinnar.

Um athvarf

Athvarfið er miðað að einstaklingum sem óska þess að geta sótt Björgina án þess að taka markvisst þátt í dagskrá.

• Notendum athvarfsins er heimilt að sækja Björgina á hverjum þeim tíma sem þeim hentar.

Helsta markmið athvarfsins er að rjúfa félagslega einangrun með samveru og iðju.

Samveran á sér bæði stað innan Bjargarinnar og annars staðar úti í samfélaginu.

• Skipulagðar ferðir, samverustundir og húsfundir eru haldnir reglulega, auk ýmissa viðburða.

Hvernig sæki ég um í athvarfið?

Öllum sem glíma við geðheilsuvanda er velkomið að leita sér ráðgjafar hjá Björginni og hana má sækja að eigin frumkvæði eða með tilvísun.

Athvarfinu er ætlað að rjúfa félagslega einangrun íbúa og aðstoða þá við að komast í einhverskonar virkni.

Í Björginni er alltaf heitt á könnunni og við hvetjum fólk til þess að koma í samveru.

Bóka má inntökuviðtal áður en fólk mætir í athvarfið, þá skal senda tölvupóst á:

• bjorgin@reykjanesbaer.is eða thordis.h.jonsdottir@reykjanesbaer.is
• Eða hringja í síma 420 3270

Ráðgjafi sér um innskráningu og hjálpar einstaklingi að aðlagast.

• Einstaklingur sem sækir athvarfið á rétt á 3-5 stuðningsviðtölum hjá ráðgjafa.

Áhersla er lögð á að innan veggja Bjargarinnar ríki virðing, tillitssemi og umburðarlyndi í öruggu rými þar sem allir geta notið sín.

Hvað kostar þjónustan?

Mánaðargjald Bjargarinnar er 2.000 kr. og er greitt í byrjun hvers mánaðar.