Byggðasafn Reykjanesbæjar varðveitir og miðlar sögu og menningararfi svæðisins. Safnkosturinn er fjölbreyttur og samanstendur meðal annars af munum, ljósmyndum og einkaskjölum sem varpa ljósi á líf og samfélag í Reykjanesbæ í gegnum tíðina. Saga 20. aldar skipar þar sérstakan sess.
Sýningar safnsins eru í Duus safnahúsum en safnið hefur einnig umsjón með Stekkjarkoti og Innri-Njarðvík, sem eru opin gestum á völdum dögum.
