Í Hljómahöll er að finna tónleika- og viðburðasalina Stapa og Berg. Stapi á sér langa og merka sögu sem einn þekktasti samkomustaður landsins, en Berg býður upp á notalegra og persónulegra umhverfi fyrir minni tónleika og viðburði. Í húsinu er einnig Rokksafn Íslands, þar sem saga íslenskrar popp- og rokktónlistar lifnar við, ásamt Tónlistarskóla Reykjanesbæjar og Bókasafni Reykjanesbæjar.
Starfsemin er fjölbreytt og spannar allt frá stórum tónleikum, uppistöndum og menningarviðburðum yfir í ráðstefnur, fundi, árshátíðir og veislur. Hljómahöll býður upp á fyrsta flokks aðstöðu fyrir viðburði af öllum stærðum og gerðum, þar sem fagleg þjónusta og góð upplifun gesta eru í fyrirrúmi.
Hljómahöll - Hjarta menningar í Reykjanesbæ.
Nánari upplýsingar um viðburði, salaleigu og starfsemi Hljómahallar má finna á vef Hljómahallar.
Staðsetning: Hjallavegur 2, 260 Reykjanesbær Sími: 420 1030 Netfang: info@hljomaholl.is