Heima- og stuðningsþjónusta

Í sumar verður sumarlokun heima- og stuðningsþjónustu frá 17. júlí til og með 31. júlí 2023.

Heima- og stuðningsþjónusta felur í sé aðstoð við athafnir daglegs lífs, heimilishald og félagsleg samskipti. Með þjónustunni er unnið að því að efla og styrkja einstaklinga til þess að þeir geti búið sem lengst heima.

  • Þjónustan er veitt til allra aldurshópa, þjónustan er einstaklingsmiðuð og er komið til móts við þarfir hvers og eins.

Á ég rétt á þjónustunni?

Já, ef þú býrð á eigin heimili og getur ekki hjálparlaust séð um heimilishald og persónulega umhirðu vegna skertrar getu, fjölskylduaðstæðna, álags, veikinda, barnsburðar eða fötlunar.

Ef þú deilir heimili með maka eða öðrum fullorðnum einstaklingi sem á ekki við veikindi eða skerta getu að stríða, þá er að öllu jöfnu ekki veitt heima- og stuðningsþjónusta.

Hvað felur þjónustan í sér?

Þjónustan felur í sé aðstoð við athafnir daglegs lífs, heimilishald og félagsleg samskipti.

Hvað kostar þjónustan?

Gjald fyrir heimaþjónustu er samkvæmt gjaldskrá Reykjanesbæjar, greitt er fyrir hverja klukkustund við aðstoð með þrif en önnur þjónusta er endurgjaldslaus.

Sjá nánar í gjaldskrá Reykjanesbæjar

Hvernig sæki ég um?

Þú sækir um rafrænt á MittReykjanes.is > Umsóknir > undir Velferð er valið Umsókn um heima- og stuðningsþjónustu

Þú getur einnig fyllt út umsókn á eyðublaði og sent á nesvellir@reykjanesbaer.is eða prentað umsóknina út og skilað á þjónustuborðið á Nesvöllum.

Hvaða gögnum þarf ég að skila inn með umsókninni?

  • Annað hvort afrit af skattframtali síðasta árs eða afrit af staðgreiðsluyfirliti sl. 3 mánuði
  • Afrit af staðgreiðsluyfirliti maka (ef við á)
  • Rökstutt vottorð frá viðurkenndum sérfræðingum / fagaðilum um þörf fyrir heima- og stuðningsþjónustu

Nánari upplýsingar um heima- og stuðningsþjónustu má nálgast á Nesvöllum, í síma 420 3400.