Stapaskóli - Umsjónarkennari á yngsta stig.

Leitað er að metnaðarfullum einstaklingi sem hefur víðtæka þekkingu á skólastarfi, framsækna skólasýn og er tilbúinn að leggja sitt af mörkum við uppbyggingu á nýjum heildstæðum skóla.

Stapaskóli er heildstæður skóli fyrir börn á aldrinum 18 mánaða til 16 ára í Dalshverfi í Reykjanesbæ. Fjöldi nemenda við fullsetinn skóla er um 500 á grunnskólaaldri og 120 á leikskólaaldri. Stapaskóli er hjarta hverfisins og þjónar íbúum grenndarsamfélagsins sem einskonar menningarmiðstöð með sundlaug og bókasafn sem er opið fyrir almenning. Stapaskóli leggur áherslu á teymiskennslu, tækni og heildstæð verkefni sem eru samþætt í námsgreinar. Einnig er sérstök áhersla á sköpun og listir og verklegt nám ásamt öflugu foreldrasamtarfi og góðum tengslum við nánasta umhverfi.

Kennsla á yngsta stigi fer fram í teymiskennslu með samþættingu námsgreina, ásamt umsjón með nemendum og virku foreldrasamstarfi. Boðið er upp á fjölbreytt og skapandi námsumhverfi sem styður við alhliða þroska nemenda og eflir þá sem sjálfstæða og skapandi einstaklinga í síbreytilegu samfélagi. Lögð er rík áhersla á vellíðan nemenda í anda Heillaspora og Uppeldi til ábyrgðar. Kennsluhættir og námsmat byggja á hugmyndafræði leiðsagnarnáms og leiðsagnarmats.

Í Stapaskóla fer fram metnaðarfullt skólastarf þar sem gleði, vinátta , samvinna og virðing eru þau gildi sem höfð eru að leiðarljósi.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni og ábyrgð:

• Annast kennslu í samráði við skólastjórnendur og fagteymi.
• Vinnur að skólaþróun skólastarfs með stjórnendum og samstarfsfólki.
• Stuðlar að velferð nemenda í samstarfi við annað fagfólk og foreldra.
• Vinna samkvæmt stefnu skólans.
• Önnur verkefni samkvæmt starfslýsingu. 

Menntunar- og hæfniskröfur:

• Leyfi til að nota starfsheitið kennari.
• Sérhæfingu á leik-/grunnskólastigi
• Reynsla af kennslu í grunnskóla. 
• Góð íslenskukunnátta.
• Færni í að vinna í teymum og að fjölbreyttum verkefnum.
• Faglegur metnaður og ánægja af starfi með börnum.
• Frumkvæði og skipulögð vinnubrögð.
• Jákvæðni gagnvart skólaþróun.
• Góð færni í mannlegum samskiptum.

Hlunnindi:

• Bókasafnskort
• Gjaldfrjáls aðgangur að menningarhúsum
• Gjaldfrjáls aðgangur í sund
• Gjaldfrjáls aðgangur í strætó

Um er að ræða starf í 100% starfshlutfalli og æskilegt að viðkomandi geti hafið störf sem fyrst. Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags.

Sótt er um á vef Reykjanesbæjar, www.reykjanesbaer.is, undir Laus störf. Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið, ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Umsækjandi má hvorki hafa hlotið refsidóm vegna brota á ákvæðum XXII. kafla almennra hegningarlaga, nr. 19/1940 né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Heimilt er að sækja upplýsingar úr sakaskrá um það hvort umsækjandi hafi hlotið dóm vegna brota á ákvæðum XXII. kafla almennra hegningarlaga, sjá 3. mgr. 12. gr. laga nr. 95/2019.

Upplýsingar gefur Hólmfríður Jennýjar Árnadóttir (hún/she), skólastjóri Stapaskóla, netfang: holmfridur.j.arnadottir@stapaskoli.is S. 420-1600 / 820-3140.

Umsóknarfrestur til: 16. september 2026

Sækja um þetta starf

Velferðarsvið - Seljudalur/þjónustuíbúðir

Seljudalur þjónustuíbúðir leita að öflugum starfsmanni til starfa við fjölbreytt og gefandi starf með einstaklingum með fjölþættan vanda og mikla þjónustuþörf.

Nálægð við íbúa er mikil og erum við til staðar við athafnir daglegs lífs, bæði innan og utan heimilis. Við vinnum samkvæmt hugmyndafræði þjónandi leiðsagnar (e. Gentle Teaching), leiðbeinum, styðjum og hvetjum íbúa með það að markmiði að auka lífsgæði þeirra, efla sjálfstæði og styðja við sjálfsákvörðunarrétt.

Vegna eðlis starfsins eru karlmenn sérstaklega hvattir til að sækja um.

Unnið er á öllum tímum sólarhrings og er því um vaktavinnu að ræða. Starfsmaður þarf að geta unnið dag-, kvöld-, nætur- og helgarvaktir.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í störfum sínum. 

Helstu verkefni:

• Aðstoð, stuðningur og leiðsögn við athafnir daglegs lífs innan og utan heimilis.
• Félagslegur stuðningur og hvatning til virkni og þátttöku í samfélaginu.
• Aðstoð og leiðsögn við heimilishald, svo sem þrif, þvotta, innkaup og matargerð.
• Stuðningur við persónulega umhirðu eftir þörfum hvers og eins.
• Að efla sjálfstæði og sjálfsákvörðunarrétt íbúa.
• Að vinna samkvæmt þjónustu- og einstaklingsáætlunum og vinnuferlum í samvinnu við íbúa og samstarfsfólk.

Menntunar- og hæfniskröfur

• Félagsliðanám, stúdentspróf eða tveggja ára menntun á framhaldsskólastigi er kostur. 
• Reynsla af starfi með fötluðu fólki er æskileg.
• Sjálfstæð og skipulögð vinnubrögð.
• Góð hæfni í mannlegum samskiptum og þjónustulund.
• Frumkvæði, sveigjanleiki og jákvæðni í starfi.
• Góð íslenskukunnátta í mæltu og rituðu máli.
• Hreint sakavottorð er skilyrði

Hlunnindi:

• Bókasafnskort
• Gjaldfrjáls aðgangur að menningarhúsum
• Gjaldfrjáls aðgangur í sund
• Gjaldfrjáls aðgangur í strætó

Um 70 - 80% tímabundið starf er að ræða með möguleika á áframhaldandi vinnu. Æskilegt er að viðkomandi geti hafið störf 1. Október eða eftir samkomulagi, þó innan þriggja mánaða.

Næsti yfirmaður starfsins er forstöðumaður Seljudals þjónustuíbúða.

Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um á vef Reykjanesbæjar undir Laus störf. Umsókn skal fylgja ferilskrá ásamt kynningarbréfi með rökstuðningi um hæfni viðkomandi í starfið og upplýsingum um umsagnaraðila.

Öllum umsóknum verður svarað þegar ákvörðun um ráðningu hefur verið tekin.

Upplýsingar gefur Þorkatla Sigurðardóttir forstöðumaður búsetuþjónustu, netfang thorkatla.sigurdardottir@reykjanesbaer.is S. 691-4190.

Umsóknarfrestur til: 16. september 2026

Sækja um þetta starf

Viltu starfa hjá Reykjanesbæ? Almenn umsókn

Hjá Reykjanesbæ starfa um 1.200 manns í fjölbreyttum störfum, og við leitum reglulega að hæfileikaríku og jákvæðu fólki til að bætast í hópinn. Hér getur þú sent inn almenna umsókn til sveitarfélagsins.

Við bjóðum eingöngu tímabundin afleysingastörf sem vara að hámarki í 12 mánuði samfellt, t.d. vegna orlofs, veikinda, barnburðarleyfis eða námsleyfis.

Ef þú hefur ákveðnar óskir um starfshlutfall eða tímavinnu, vinsamlegast taktu það fram í umsókninni. Tímabundin afleysingastörf eru ekki alltaf auglýst, en stjórnendur skoða gagnagrunninn okkar þegar störf losna og hafa samband við viðeigandi umsækjendur. Störfin geta verið bæði í 100% starfshlutfalli og hlutastörf. Almennar umsóknir eru geymdar í grunninum í allt að 6 mánuði.

Við hvetjum þig einnig til að fylgjast með auglýstum störfum á heimasíðu Reykjanesbæjar og sækja sérstaklega um ef þú hefur áhuga á ákveðnu starfi.

Vinsamlegast athugið að almennum umsóknum er ekki svarað sérstaklega.

Upplýsingar gefur Mannauður og starfsumhverfi, starf@reykjanesbaer.is

Umsóknarfrestur til: 31. desember 2026

Sækja um þetta starf