Starfstímabil og vinnutími fyrir 2026

Vinnuskólinn hefur störf 18. júní og lýkur störfum 30. júlí  Ungmenni hafa því 7 vikur til þess að skila inn tilgreindum fjölda vinnustunda hvenær sem er á starfstíma vinnuskólans. Þar af leiðandi hafa þau svigrúm til þess að vinna upp forföll sem kunna að verða vegna veikinda, sinna tómstundum eða öðrum viðburðum.

Starfsfólk og ungmenni Vinnuskólans eiga rétt á bæði matar- og kaffitímum. Þar sem starfsfólk hefur ekki neina sérstaka aðstöðu á vinnusvæðum sínum er eðlilegt að þau sjáist sitja og hvíla sig öðru hvoru. Kaffitímar eru á milli kl. 10:00 – 10:15 og kl. 14:00 – 14:15, hádegismatur er á milli kl. 11:30 – 12:30.

Hádegismatur er klukkustund hjá ungmennum þar sem hlé er gert á vinnu. Ungmenni sem eru 15 ára og eldri vinna því 6 klukkustundir á dag.

Tímakaup 2025

Laun ungmenna í Vinnuskóla Reykjanesbæjar miðast við hlutfall af launaflokki 117. 

Launatímabil og launagreiðslur

Launatímabil Vinnuskóla Reykjanesbæjar er frá 15. – 14. hvers mánaðar. Launaseðlar birtast á heimabanka ungmenna fyrsta hvers mánaðar og má finna undir “rafræn skjöl”. Ef ungmenni er ekki með heimabanka þarf að stofna slíkan fyrir viðkomandi. Mikilvægt er að bankareikningur sé í eigu ungmennis, en ekki forsjáraðila.

• • 1. júlí:  engin greiðsla þar sem fyrsti vinnudagur er 18.júní
  • 1. ágúst: greiðsla fyrir 18. júní - 14. júlí.
  • 1. september: greiðsla fyrir 15. júlí - 30. júlí

Launaseðlar

Launaseðlar berast í heimabanka nemenda fyrsta hvers mánaðar og má finna undir „rafræn skjöl." Ef nemandi er ekki með heimabanka þarf að stofna slíkan í banka nemandans.

Rafrænn persónuafsláttur

Mikilvægt er að ungmenni sem eru 16 ára á árinu (10. bekkur), skili skattkorti til laundeildar tímalega fyrir fyrstu útborgun launa til að nýta persónuafslátt sinn og að laun þeirra skili sér að fullu. Skil á skattkortum eru nú með rafrænum hætti.

Fylgdu þessum leiðbeiningum:
1. Farðu inn á https://www.rsk.is
2. Veldu "Þjónustuvefur" og skráðu þig inn með rafrænum hætti, rafrænu skilríki eða íslykli.
3. Veldu "Mín þjónustusíða".
4. Undir "Almennt" er að finna "Staðgreiðsluskrá RSK".
5. Þar skaltu velja "yfirlit til launagreiðanda".
6. Þar til hægri á síðunni er að finna "sækja pdf".
7. Sendu þetta skjal á netfangið  hjalp.launadeild@reykjanesbaer.is ásamt nafni, kennitölu og taktu fram að þú sért að fara starfa fyrir Vinnuskólann.

Forföll og leyfi

Hægt er að tilkynna forföll eða leyfi á Völu timaskráningakerfinu. Ef að ungmenni er ekki skráð í leyfi og mætir ekki í vinnu er haft samband við foreldri. 

Samskiptavandi og einelti

Vinnuskólinn leggur áherslu á jákvæð samskipti og stuðlar að öryggi og vellíðan ungmenna í starfi. Ef starfsmenn Vinnuskólans verða vitni af eða er tilkynnt um samskiptavanda og/eða einelti, mun samskiptateymi Vinnuskólans leita leiða til að leysa úr tilteknu máli í samráði við ungmenni og forsjáraðila.

Fyrirbyggjandi aðgerðir Vinnuskóla Reykjanesbæjar

Starfsfólk Vinnuskólans fær fræðslu um mörk og samskipti, vinnuvernd ungmenna, skyndihjálp, algenga heilsukvilla og sértækar stuðningsþarfir. Starfsfólki er einnig gert kunnugt um stefnu og aðgerðaráætlun Vinnuskóla Reykjanesbæjar þegar kemur að samskiptavanda og/eða eineltismálum.  

Reglur Vinnuskólans

Markmið reglna

Markmið þessara reglna er að tryggja öruggt og uppbyggilegt starfsumhverfi fyrir alla nemendur og starfsfólks Vinnuskólans. Reglurnar byggja á gildum Vinnuskólans um ábyrgð, virkni, samvinnu og velferð barna og ungmenna.

• Væg agabrot vísa til óláta og almennrar óhlýðni við fyrirmælum. Við slíkum brotum skal veitaviðkomandi tiltal og áminningu.

• Ítrekuð agabrot geta leitt til að nemandi fái skriflega aðvörun og forsjáaraðilar upplýstir. Ef hegðun lagast ekki eftir áminningar getur nemandi verið vísað úr starfi. Starfsfólk vinnuskólans tekur þá ákvörðun ásamt umsjónarteymi Vinnuskólans.

• Alvarleg agabrot, svo sem ofbeldi, vímuefnabrot eða stórfelld brot á reglum, geta leitt til tafarlausrar brottvísunar úr vinnuskólanum. Haft verður samband við forsjáaraðila nemanda og forsjáaraðili boðaður á fund með umsjónarteymi Vinnuskólans. Ef um alvarlegt brot er að ræða verður mögulega haft samband við lögreglu.

• Við ákvörðun viðurlaga er ætíð tekið mið af aldri, aðstæðum og alvarleika máls.

1. Samskipti, áreitni og ofbeldismál

• Einelti, stríðni, niðrandi tal, útilokun, hótanir eða hvers kyns áreitni eru óheimil.

• Ofbeldi, hvort sem er líkamlegt, andlegt eða kynferðislegt, er alvarlegt brot á reglum vinnuskólansog getur leitt til brottvísunar úr vinnuskólanum.

• Allir nemendur eiga rétt á virðingu óháð kyni, kynhneigð, kynvitund, trú, þjóðerni, fötlun eða öðrumpersónulegum þáttum.

• Ágreining skal leysa með í samráði við nemendur, foreldra og starfsfólk

2. Vímefni og orkudrykkir

• Meðferð, notkun eða áhrif áfengis, nikótíns, rafrettna, fíkniefna eða annarra vímuefna erustranglega bönnuð á vinnutíma og í tengslum við vinnuskólann.

• Orku/koffíndrykkir eru ekki leyfðir á vinnutíma Vinnuskólans.

• Brot gegn þessari reglu teljast alvarleg agabrot og geta leitt til brottvísunar og tilkynningar til forráðamanna.

3. Eignir og umgengni

• Nemendur skulu fara vel með verkfæri, búnað og annað sem vinnuskólinn leggur til.

• Skemmdir, tap eða slys skal tilkynna tafarlaust.

• Ungmenni bera ábyrgð á fatnaði og öðrum eignum sínum.

• Ef ungmenni vísvitandi eyðileggja eigur vinnuskólans eða annarra þá bera forsjáraðilar alltaf ábyrgðí að bæta tjónið til Vinnuskólans eða annarra

• Þjófnaður, skemmdarverk eða misnotkun á búnaði eru alvarleg brot.

4. Tilkynningarskylda

• Starfsfólk vinnuskólans ber tilkynningarskyldu ef grunur vaknar um að velferð barns sé í hættu.

• Nemendur eru hvattir til að leita til starfsfólks ef þeim líður illa eða þeir verða varir við að aðrirnemendur eigi í vanda.

• Öll mál eru tekin alvarlega og afgreidd af trúnaði samkvæmt lögum og verklagi.

5. Farsímanotkun

• Notkun farsíma á vinnutíma er óheimil nema með leyfi verkstjóra.

• Myndatökur, hljóðupptökur eða birting efnis af öðrum án samþykkis eru bannaðar.

• Neteinelti eða óviðeigandi umræða tengd vinnuskólanum telst brot á reglum, jafnvel þótt hún eigisér stað utan vinnutíma.

• Ítrekuð brot á þessum reglum teljast sem alvarlegt brot

6. Öryggi og vinnureglur

• Nemendur skulu fylgja öllum öryggisreglum, leiðbeiningum og verklagi á vinnustað.

• Nota skal hlífðarbúnað þegar það á við.

• Notkun farartækja er óheimil á vinnutíma til að gæta öryggi nemenda og starfsfólks.

• Nemendum er óheimilt að nota verkfæri eða tæki án leyfis eða leiðbeininga.

• Öll utanaðkomandi verkfæri og búnaður t.d. vasahnífur er með öllu óheimilt á vinnutíma.

• Ef hætta skapast eða slys verður skal tilkynna það strax til verkstjóra.

• Nemendur mega ekki yfirgefa vinnusvæði án leyfis.

7. Almennar hegðun og ábyrgð

• Nemendur skulu sýna kurteisi, virðingu og tillitsemi í samskiptum við aðra nemendur, starfsfólk og almenning

• Nemendur skulu fara eftir fyrirmælum flokkstjóra

• Gera skal sitt besta í vinnu og sýna ábyrgð í verkefnum sem nemanda eru falin.

• Mæting, stundvísi og ástundun vinnu eru skilyrði fyrir þátttöku í vinnuskólanum.

Reglur þessar gilda fyrir alla nemendur vinnuskólans. Með þátttöku í vinnuskólanum skuldbinda nemendur sig til að fylgja reglunum.

  Ábendingar til Vinnuskólans

Allar ábendingar berast í gegnum þennan hlekk.