Fjárhagsaðstoð

Fjárhagsaðstoð er fyrir einstaklinga og fjölskyldur sem ekki geta séð fyrir sér og sínum án aðstoðar.

Fjárhagsaðstoð á að nýta til framfærslu, en ekki til greiðslu skulda eða fjárfestinga
Aðstoðin getur verið í formi styrks eða láns.
Öll fjárhagsaðstoð til framfærslu er skattskyld
Aðstoðin er alltaf tímabundið úrræði

Á ég rétt á fjárhagsaðstoð?

Já, ef þú uppfyllir eftirfarandi skilyrði:

Áður en þú sækir um fjárhagsaðstoð skaltu athuga rétt þinn til annarra greiðslna, þar með talið frá almannatryggingum (t.d. frá Tryggingastofnun ríkisins, Sjúkratryggingum Íslands, Fæðingarorlofssjóði), atvinnuleysistryggingum, lífeyrissjóði og sjúkrasjóðum stéttarfélaga.

Hvernig sæki ég um fjárhagsaðstoð?

Sótt er um fjárhagsaðstoð í gegnum island.is

Hvaða gögnum þarf ég að skila inn með umsókninni?

Staðfest skattframtal og staðgreiðsluyfirlit Ríkisskattstjóra frá umsækjanda og maka eða sambúðaraðila, kemur sjálfkrafa inn í stafrænni umsókn.
Stöðuyfirliti um innistæður í bönkum eða öðrum fjármálastofnunum.

Launa- og greiðsluseðlar síðustu tvo mánuði, svo sem launaseðlar, greiðsluáætlun frá Tryggingastofnun ríkisins (TR), lífeyrissjóðsgreiðslur, atvinnuleysisbætur eða aðrar tekjur.

Öðrum gögnum gæti þurft að skila inn eftir því sem við á, svo sem:

Upplýsingar um nýtingu persónuafsláttar ef þú vilt nýta ónýttan persónuafslátt (Yfirlit er sótt rafrænt hjá Ríkisskattstjóra)
Húsaleigusamningur
Ef þú ert vinnufær þarf að skila inn staðfestingu á því að bótarétti úr atvinnuleysistryggingasjóði sé lokið.
Ef þú ert óvinnufær þarf að skila inn læknisvottorði eða staðfestingu á umsókn frá Tryggingastofnun ríkisins (TR), ásamt staðfestingu frá sjúkrasjóði stéttarfélaga og Sjúkratryggingum Íslands.

Hvernig endurnýja ég umsókn um fjárhagsaðstoð?

Sækja þarf um fjárhagsaðstoð á island.is í hverjum mánuði, á tímabilinu 17. - 25. hvers mánaðar.

Hversu há er upphæðin?

Fjárhagsaðstoð getur verið allt að kr. 174.297 á mánuði til einstaklings.
Fjárhagsaðstoð getur verið allt að 278.875 á mánuði til hjóna eða fólks í sambúð.
80% af grunnfjárhæð (139.438 kr.) er greidd ef þú ert húsnæðislaus.
40% af grunnfjárhæð (69.719 kr) er greidd ef þú býrð hjá foreldrum eða öðrum ættingjum/aðstandendum.

Hefur það áhrif á upphæðina hversu mörg börn ég á?

Aðstoðin er veitt óháð barnafjölda. Gert er ráð fyrir að barnabætur, meðlög og umönnunargreiðslur mæti kostnaði vegna barna.

Hvað ef umsókninni minni er synjað?

Ef þér er synjað um fjárhagsaðstoð þá hefur þú rétt til að vísa málinu til áfrýjunarnefndar velferðarráðs Reykjanesbæjar. Þú hefur að hámarki fjórar vikur til að leggja inn beiðni til áfrýjunarnefndar.
Leggja má inn beiðni til áfrýjunarnefndar á MittReykjanes.is, undir Velferð er valið Beiðni til áfrýjunarnefndar

Hvað ef velferðarráð Reykjanesbæjar staðfestir synjun?

Þá átt þú rétt á að kæra niðurstöðuna til úrskurðarnefndar velferðarmála.
Þú hefur að hámarki þrjá mánuði til að skjóta ákvörðuninni til úrskurðarnefndar velferðarmála.

Tengd skjöl