Dagdvöl getur verið góður og hentugur stuðningur fyrir eldra fólk sem þarf aðstoð og eftirlit til að geta búið heima. Í Reykjanesbæ eru tvær dagdvalir: á Nesvöllum og í Selinu við Vallarbraut.

Í dagdvölum er í boði fjölbreytt tómstundaiðja, samverustundir, hreyfing og þjálfun, fæði, hvíldaraðstaða og aðstoð við persónulega umhirðu.

• Gestir eru sóttir að morgni og ekið heim síðdegis.
• Dagdvalirnar eru opnar mánudaga til föstudaga frá kl. 8 til 16.
• Hægt er að vera í dagdvöl 1 til 5 daga í viku.
• Dagdvöl kostar 1.579 kr. á dag, auk tómstundargjalds sem er 1.395 kr. á mánuði.

Sækja um

• Þú getur sótt um dagdvöl á vefsíðunni Mitt Reykjanes. Þar velur þú Umsóknir og undir Velferð velurðu Umsókn um dagdvöl.
• Þú getur einnig fyllt út þessa umsókn á PDF og sent á nesvellir@reykjanesbaer.is eða prentað umsóknina út og skilað á þjónustuborðið á Nesvöllum.

Með umsókninni þarf að fylgja upplýsingar frá lækni eða öðrum fagaðila varðandi þörf á dagdvöl.

Nesvellir

Á Nesvöllum er almenn dagdvöl fyrir fólk sem þarf félagsskap og eftirlit og aðstoð við athafnir daglegs lífs. Á staðnum eru fjölbreyttir viðburðir félagsstarfs eldra fólks og ýmis þjónusta í boði (sem gestir greiða fyrir), meðal annars hárgreiðslustofa og fótaaðgerðastofa.

Símanúmerið á Nesvöllum er 420 3400.

Á Facebook-síðu Nesvalla má sjá matseðil og dagskrá Þjónustumiðstöðvarinnar.

Selið

Í Selinu við Vallarbraut 4 er dagdvöl fyrir fólk með minnisskerðingu sem þarf félagsskap, eftirlit og aðstoð við athafnir daglegs lífs.

Í boði er að fá fót- og hársnyrtingu, sem gestir greiða fyrir sjálfir.Símanúmerið í Selinu er 420 3413.