Heima- og stuðningsþjónusta

Stuðningsþjónusta er til handa þeim sem búa á eigin heimilum og þurfa stuðning vegna skertrar getu, fjölskylduaðstæðna, álags eða veikinda. Stuðningsþjónusta er veitt bæði innan heimilis og utan.

Hverjir geta fengið þjónustuna?

Heima- og stuðningsþjónusta er fyrir fatlað fólk sem býr á eigin heimili og getur ekki séð hjálparlaust um heimilishald eða persónulega umhirðu vegna skertrar getu, fjölskylduaðstæðna, álags, veikinda eða fötlunar.

Þegar þú hefur sent inn umsókn fer fram mat á aðstæðum og þörfum þínum fyrir stuðning áður en þjónustan hefst.

Ertu með spurningar? Hafðu samband við Þjónustumiðstöðina á Nesvöllum í síma 420 3400 eða á netfangið nesvellir@reykjanesbaer.is.

Sækja um

Þú sækir um á vefnum Mitt Reykjanes. Þar velur þú Umsóknir og undir Velferð velur þú Umsókn um heima- og stuðningsþjónustu.

Með umsókninni þarf að fylgja:

• Skattframtal síðasta árs.
• Afrit af skattframtali maka (ef þú átt maka).
• Rökstutt vottorð frá viðurkenndum sérfræðingum eða fagaðilum um þörf fyrir heima- og stuðningsþjónustu.

Þú getur líka fyllt út þetta eyðublað og sent á nesvellir@reykjanesbaer.is eða prentað það út og skilað á þjónustuborðið á Nesvöllum.

Kostnaður

Kostnaður fer eftir tekjunum þínum. Hver klukkustund við þrif kostar samkvæmt gjaldskrá en önnur þjónusta er ókeypis.