Skilyrði fyrir leikskóladvöl er að lögheimili barnsins og föst búseta sé í Reykjanesbæ og að foreldrar barnsins séu ekki í vanskilum vegna leikskólagjalda.

Sótt er um leikskólavist á reykjanesbaer.is, sjá neðar á síðunni. Foreldrar fá staðfestingu á umsókn í tölvupósti.

Sækja má um leikskóla frá fæðingardegi barns eða strax og kennitala þess hefur verið skráð. Börn eru skráð á biðlista við eins árs aldur og raðast þau á listann eftir fæðingardegi og ári.  Börn innritast í leikskóla eftir kennitölu, þau elstu fyrst. Það sama gildir um þjónustureknu leikskólanna.

Úthlutun fer fram í mars ár hvert og eru boð um leikskólapláss send í tölvupósti, þar eru foreldrar beðnir um að staðfesta plássið með því að senda tölvupóst.

Einstæðir foreldrar og foreldrar í fullu dagnámi  geta sótt um niðurgreiðslu tímagjalds. Fullt dagnám eru 15 einingar í framhaldsskóla eða 30 einingar í háskóla.

Sækja skal um niðurgreiðslu tímagjalds á Mitt Reykjanes eða Vala Leikskóli. Endurnýja þarf umsóknina í ágúst ár hvert.

Niðurgreiðsla til námsmanna gildir ekki á tímabilinu 1. júní – 31. ágúst.

Systkinaafsláttur er gefinn af niðurgreiddu tímagjaldi ef systkini eru hjá dagforeldrum, í leikskóla eða frístund.