Hlutverk Atvinnu- og hafnarsviðs er að stuðla að öflugu atvinnulífi í Reykjanesbæ og reka hafnir sveitarfélagsins. Sviðið ber ábyrgð á því að framkvæma stefnu Reykjanesbæjar í atvinnumálum, viðskiptaþróun og hafnamálum. Í því felst uppbygging og sköpun tækifæra á sviði viðskipta, tengslamyndunar og þróunar viðskiptatækifæra í bæjarfélaginu.

Helstu verkefni á sviði atvinnumála:

• Vinna að stefnumótun og þróun umbóta í atvinnumálum í Reykjanesbæ.
• Kynna og markaðssetja Reykjanesbæ sem álitlegan kost fyrir fjárfesta og ný fyrirtæki.
• Leita að og taka á móti áhugasömum frumkvöðlum, fjárfestum og fyrirtækjum sem vilja kynna sér kosti Reykjanesbæjar með það að markmiði að setja upp starfsemi í sveitarfélaginu.
• Vinna með og hvetja fyrirtæki við uppbyggingu verslunar og þjónustu í heimabyggð og fjölgun starfa.
• Aðstoða og leiðbeina frumkvöðlum um stjórnsýsluna, t.d. varðandi styrki, lóðarumsóknir, öflun húsnæðis o.fl.
• Þátttaka í þverfaglegum verkefnum og stefnumótun þar sem málefni er hafa áhrif á viðskiptaþróun eru unnin.
• Vinna að auknu innbyrðis samstarfi og klasamyndun fyrirtækja og stofnana.
• Stuðla að öflugu starfi í málaflokknum almennt m.a. með því að hafa samstarf við aðila sem starfa á því sviði, t.d. með gerð sérstakra samstarfssamninga þar sem það á við.
• Hafa eftirlit með framkvæmd samninga sem gerðir eru við ráðuneyti um samstarf ríkisins og Reykjanesbæjar um málefni á verksviði ráðsins.
• Halda uppi virku samstarfi við hagsmunaaðila, samtök fyrirtækja og aðra stuðningsaðila atvinnulífs á Suðurnesjum.

Helstu verkefni á sviði hafnamála:

• Rekstur hafna Reykjanesbæjar og skipulagning hafnarþjónustu.
• Vinna að stefnumótun og þróun umbóta í starfsemi Reykjaneshafnar.
• Samskipti við aðila í atvinnulífinu sem leita eftir aðstöðu fyrir hafnsækna starfsemi hjá Reykjaneshöfn.
• Samskipti við aðila vegna leigu á lóðum og landi Reykjaneshafnar.
• Umsjón með öryggis- og umhverfismálum Reykjaneshafnar.
• Umsjón með samskiptum tengdum markaðssetningu Reykjaneshafnar.
• Áætlanagerð viðhalds og nýframkvæmda fyrir Reykjaneshöfn.

Stjórnskipulag Reykjanesbæjar