365. afgreiðslufundur byggingarfulltrúa var haldinn að Grófinni 2 þann 25. júní 2024 kl. 09:00

Viðstaddir: Sveinn Björnsson byggingarfulltrúi, Hilmar Örn Arnórsson verkefnastjóri byggingarfulltrúa, Maríanna Hvanndal Einarsdóttir forstöðumaður skráninga, Margrét Lilja Margeirsdóttir verkefnastjóri skipulagsmála, Sigurður Þór Arason fulltrúi og Rúna Osborne fulltrúi/ritari.

1. Brekadalur 75 (2024060260)

Sótt er um byggingarleyfi í umfangsflokki II. Sótt er um leyfi til að byggja einbýlishús á einni hæð úr steypu.

Byggingaráform samþykkt. Erindið uppfyllir gildandi skipulagsskilmála.

2. Fuglavík 41 (2024060244)

Sótt er um byggingarleyfi í umfangsflokki II. Um er að ræða stálgrindarhús fyrir pípulagnafyrirtæki.

Byggingaráform samþykkt. Erindið uppfyllir gildandi skipulagsskilmála.

3. Hafnargata 28 (2024060206)

Sótt er um byggingarleyfi í umfangsflokki I. Óskað er eftir að breyta efri hæð Hafnargötu 28 í gistiheimili í flokki 2 fyrir 9 manns. Um er að ræða 150,4m² gistiheimili með 4 svefnherbergjum, 5 klósettum, eldhúsi, þvottahúsi, stofu og sjónvarpsherbergi.

Byggingaráform samþykkt. Erindið uppfyllir gildandi skipulagsskilmála.

4. Hafnargata 22-24 (2024060172)

Sótt er um byggingarleyfi í umfangsflokki II. Um er að ræða þjónustu- og íbúðarhúsnæði á tveimur hæðum, með kjallara og rishæð.

Byggingaráform samþykkt. Erindið uppfyllir gildandi skipulagsskilmála.

5. Grjótás 10 (2024060152)

Sótt er um byggingarleyfi í umfangsflokki II. Um er að ræða einbýlishús á tveimur hæðum úr timbureiningum, á steyptri plötu og sökkli. Þak úr timbri, ysta klæðning tvöfaldur soðinn pappi.

Byggingaráform samþykkt. Erindið uppfyllir gildandi skipulagsskilmála.

6. Flugvallarbraut 731 (2024060059)

Sótt er um byggingarleyfi í umfangsflokki I. Umsókn felst í að bæta við gluggum og hurðum á húsnæðið.

Byggingaráform samþykkt. Erindið uppfyllir gildandi skipulagsskilmála.

7. Bogatröð 16 (2024060034)

Sótt er um byggingarleyfi í umfangsflokki II. Sótt er um byggingu tæknirýmis sem tengist við framleiðsluhús lóðarhafa. Húsið mun hýsa kerfi fyrir loftkælingu. Húsið verður staðsett utan núverandi byggingarreits og er óskað eftir undanþágu þar á. Kerfið sem húsið hýsir gegnir lykilþætti í framleiðslu lóðarhafa.

Byggingarfulltrúi vísar umsókninni til skipulagsráðs með tilvísun í 44. gr. skipulagslaga nr. 123/2010.

8. Bogatröð 10a (2024060033)

Sótt er um byggingarleyfi í umfangsflokki I. Sótt er um stækkun til suðurs sem nemur um 3,6 metrum. Húsið mun hýsa kerfi fyrir loftkælingu og tengjast framleiðsluhúsum lóðarhafa.

Byggingarfulltrúi vísar umsókninni til skipulagsráðs með tilvísun í 44. gr. skipulagslaga nr. 123/2010.

9. Fuglavík 20 (2024030550)

Sótt er um byggingarleyfi í umfangsflokki II. Um er að ræða nýtt þjónustuhúsnæði fyrir bílaleigu.

Byggingaráform samþykkt. Erindið uppfyllir gildandi skipulagsskilmála.

Fleira ekki gert og fundi slitið kl. 9:35.