409. afgreiðslufundur byggingarfulltrúa var haldinn að Grænásbraut 910 24. september 2026 kl. 09:00

Viðstaddir: Sveinn Björnsson byggingarfulltrúi, Hilmar Örn Arnórsson verkefnastjóri byggingarfulltrúa, Anna Þóra Gísladóttir verkefnastjóri byggingarfulltrúa, Erla Bjarný Gunnarsdóttir lögfræðingur umhverfis- og framkvæmdasviðs og Sigurður Þór Arason fulltrúi og ritari.

1. Ferjutröð 15 (2026090394)

Sótt er um stöðuleyfi til tveggja ára fyrir 90 brúttótonna bát á æfingasvæði Brunavarna Suðurnesja.

Erindi samþykkt, stöðuleyfi veitt til 23. september 2027. Vakin er athygli á því að stöðuleyfi eru veitt til eins árs í senn, sækja þarf um nýtt stöðuleyfi áður en gildistími rennur út.

2. Skólavegur 6 (2026090290)

Sótt er um byggingarleyfi í umfangsflokki I til breytinga innanhúss, úrbóta á brunavörnum ásamt endurnýjun og stækkun loftræsiskerfis sbr. aðaluppdrætti Teiknistofunnar Traðar dags. 16. september 2026.

Byggingaráform samþykkt. Erindið uppfyllir gildandi skipulagsskilmála.

3. Trönudalur 2-24, Aspardalur 2-4, Dalsbraut 20 (2026090277)

Óskað er eftir samþykki byggingarfulltrúa á merkjalýsingu fyrir Trönudal 2-24, Aspardal 2-4 og Dalsbraut 20.

Merkjalýsing samþykkt í samræmi við 6. gr. a. í lögum nr. 6/2001 um skráningu, merki og mat fasteigna.

4. Móavellir 3A (2026080256)

Sótt er um byggingarleyfi í umfangsflokki I fyrir glerskála á milli Móavalla 3 og 5 sbr. aðaluppdrætti THG arkitekta dags. 15. maí 2025.

Erindi frestað. Vísað í athugasemdaskýrslu byggingarfulltrúa.

Fleira ekki gert og fundi slitið kl. 09:23.