306. fundur atvinnu- og hafnarráðs Reykjanesbæjar haldinn á skrifstofu Reykjaneshafnar að Víkurbraut 11, fimmtudaginn 16. mars 2026 kl. 16:00

Viðstaddir: Hjörtur Magnús Guðbjartsson formaður, Alexander Ragnarsson, Kristján Jóhannsson, Sigurður Guðjónsson og Jón Már Sverrisson.

Að auki sat fundinn Halldór Karl Hermannsson, sviðsstjóri atvinnu- og hafnarsviðs.

1. Ársreikningur Reykjaneshafnar 2025 (2026010368)

Á fundinn mætti Ágúst Kristinsson endurskoðandi frá PricewaterhouseCoopers ehf., endurskoðunarfyrirtæki Reykjaneshafnar. Ársreikningur Reykjaneshafnar vegna starfsársins 2025 var lagður fram ásamt endurskoðunarskýrslu endurskoðenda. Helstu niðurstöður rekstrarreiknings eru eftirfarandi:

Rekstrartekjur.......................................... kr. 465.153.510.-
Rekstrargjöld...........................................kr. 283.139.719.-
Hagnaður fyrir afskriftir og vexti............. kr. 182.013.791.-
Afskriftir mannvirkja og annarra eigna.... kr. -44.583.430.-
Fjármagnsliðir..........................................kr. -48.589.077.-
Rekstrarhagnaður ársins.........................kr. 88.841.284.-

Atvinnu- og hafnarráð samþykkir ársreikning Reykjaneshafnar og vísar honum til samþykktar á fundi bæjarstjórnar Reykjanesbæjar.

2. Atvinnu- og hafnarsvið – ársskýrsla 2025 (2025060044)

Ársskýrsla atvinnu- og hafnarsviðs vegna ársins 2025 lögð fram.

Fylgigögn:

Ársskýrsla atvinnu- og hafnarsviðs 2025

3. Njarðvíkurhöfn – brimvarnargarður (2023080391)

Lagðar fram verkfundargerðir 3. og 4. funda frá 25. febrúar og 16. mars 2026 ásamt verkstöðuyfirlitum.

4. Njarðvíkurhöfn - skipulag (2025110300)

Farið yfir stöðu mála við vinnslu á aðal- og deiliskipulagi í og upp af Njarðvíkurhöfn. Einnig var farið yfir þá þróun sem þarf að eiga sér stað á svæðinu í uppbyggingar- og skipulagsmálum svo framtíðarsýn Reykjaneshafnar til næstu tíu ára á svæðinu gangi eftir.

Atvinnu- og hafnarráð beinir því til umhverfis- og skipulagsráðs Reykjanesbæjar að horft verði til hugmynda Reykjaneshafnar varðandi landfyllingu sunnan við nýjan brimvarnargarð við Njarðvíkurhöfn við næstu endurskoðun á aðalskipulagi Reykjanesbæjar, samanber framtíðarsýn Reykjaneshafnar til ársins 2035. Atvinnu- og hafnarráð felur Halldóri K. Hermannssyni, sviðsstjóra atvinnu- og hafnarsviðs, að koma þessari ósk á framfæri ásamt viðeigandi gögnum.

Fylgigögn:

Njarðvíkurhöfn - vinnslutillaga aðalskipulags

5. Helguvíkurhöfn - Suðurbakki (2024040273)

Farið yfir stöðu mála vegna uppbyggingar á Suðurbakka Helguvíkurhafnar.

Fylgigögn:

Helguvíkurhöfn - skipulagsuppdráttur

6. Samstarfsnefnd atvinnu- og hafnarráðs og umhverfis- og skipulagsráðs (2026020457)

Fundargerð 26. fundar samráðsnefndar um þróun hafnarsvæða frá 19. mars 2026 lögð fram.

7. Aðalfundur Cruise Iceland 2026 (2026030293)

Aðalfundur Cruise Iceland fór fram fimmtudaginn 12. mars sl. og sótti Halldór K. Hermannsson, sviðsstjóri atvinnu- og hafnarsviðs, fundinn fyrir hönd Reykjaneshafnar. Fór hann yfir það sem fram kom á fundinum.

Fylgigögn:

Aðalfundur Cruise Iceland 12. mars 2026 - dagskrá

8. Skemmtiferðaskip (2026020459)

Lagt fram minnisblað AECO, Association of Arctic Expedition Cruise Operators, er varðar virðisaukaskatt og skemmtiferðaskip. Einnig farið yfir markaðssetningu Keflavíkurhafnar fyrir smærri skemmtiferðaskip.

Fylgigögn:

Virðisaukaskattur og skemmtiferðaskip

9. Hafnasamband Íslands - fundargerð stjórnar 16. febrúar 2026 (2026020458)

Fundargerð 480. fundar stjórnar Hafnasambands Íslands frá 16. febrúar 2026 lögð fram.

Fylgigögn:

Fundargerð 480. fundar stjórnar Hafnasambands Íslands 16. febrúar 2026

10. Straumlind - ársskýrsla (2026030294)

Lögð fram ársskýrsla viðskipavinar frá Straumlind ehf. vegna raforkukaupa Reykjaneshafnar 2025.

11. Samstarf um hringrásariðngarð (2023100396)

Á 304. fundi sínum þann 22. janúar sl. samþykkti atvinnu- og hafnarráð f.h. Reykjaneshafnar að taka þátt í samstarfi með Reykjanesbæ, Suðurnesjabæ og KADECO um uppbyggingu hringrásariðngarðs við Helguvíkurhöfn og tilnefndi þar tvo fulltrúa. Fyrir liggur ósk um að tilnefndur verði þriðji fulltrúinn frá Reykjaneshöfn.

Atvinnu- og hafnarráð samþykkir að tilnefna Alexander Ragnarsson sem þriðja fulltrúa Reykjaneshafnar í samstarfshópinn.

12. Atvinnurammi Suðurnesja 2026-2030 (2026010374)

Tölvupóstur dags. 13. mars 2026, frá Sambandi sveitarfélaga á Suðurnesjum, þar sem óskað er umsagnar um drög að Atvinnuramma Suðurnesja 2026-2030 þar sem leitast er við að ná heildarsýn á atvinnuuppbyggingu á Suðurnesjum út frá áherslum sveitarfélaganna á Suðurnesjum, KADECO og annarra hagaðila.

Atvinnu- og hafnarráð lýsir ánægju sinni með viðkomandi drög og telur þær áherslur sem þar koma fram varðandi árangursmælingar og mælaborð af hinu góða við mat á þróun atvinnuuppbyggingar á Suðurnesjum.

13. Strandsiglingar í alfaraleið (2026030295)

Lögð fram skýrslan Strandsiglingar í alfaraleið – hvað þarf til?. Í skýrslunni eru lagðar fram sjö tillögur um aðgerðir stjórnvalda sem væru til þess fallnar að styrkja forsendur fyrir strandsiglingum og vöruflutningum á sjó.

Fylgigögn:

Strandsiglingar í alfaraleið – hvað þarf til? - skýrsla starfshóps

14. Umsagnarmál í skipulagsgátt (2026030296)

Tölvupóstur, dags. 12. mars 2026, þar sem óskað er umsagnar um mál nr. 0118/2026 í skipulagsgátt; Helguvíkurhöfn – breyting á deiliskipulagi.

Atvinnu- og hafnarráð gerir ekki athugasemdir við viðkomandi tillögu að breytingu á deiliskipulagi Helguvíkur.

Fylgigögn:

Með því að smella hér má skoða málið Helguvíkurhöfn - breyting á deiliskipulagi í skipulagsgátt

15. Upplýsingagjöf sviðsstjóra (2026010379)

Halldór K. Hermannsson, sviðsstjóri atvinnu- og hafnarsviðs, fór yfir stöðu ýmissa mála er varða starfsemi sviðsins.

Fleira ekki gert og fundi slitið kl. 18:15. Fundargerðin fer til afgreiðslu bæjarstjórnar 7. apríl 2026.