1332. fundur bæjarráðs Reykjanesbæjar, fjarfundur 19. ágúst 2021, kl. 08:00

Viðstaddir: Friðjón Einarsson formaður, Guðbrandur Einarsson, Jóhann Friðrik Friðriksson, Margrét A. Sanders, Ríkharður Ibsen, Margrét Þórarinsdóttir áheyrnarfulltrúi, Kjartan Már Kjartansson bæjarstjóri og Hrefna Gunnarsdóttir ritari.

1. Árshlutauppgjör Reykjanesbæjar (2021040552)

Regína F. Guðmundsdóttir fjármálastjóri og Þorgeir Sæmundsson deildarstjóri reikningshalds komu inn á fundinn og kynntu drög að árshlutareikningi Reykjanesbæjar fyrir tímabilið janúar til júní 2021.

2. Fjárhagsáætlun 2022-2025 (2021060488)

Regína Fanný Guðmundsdóttir fjármálastjóri og Þorgeir Sæmundsson deildarstjóri reikningshalds mættu á fundinn. Lagt fram minnisblað frá Sambandi íslenskra sveitarfélaga um forsendur fjárhagaáætlana 2022-2026.

Fylgigögn:

Tímaáætlun fjárhagsáætlunarferlis 2021
Verkferli fjárhagsáætlunar Reykjanesbæjar 2021

3. Frávik vegna fjárhagsáætlunar fræðslusviðs 2021 (2020060158)

Regína Fanný Guðmundsdóttir fjármálastjóri og Helgi Arnarson sviðsstjóri fræðslusviðs mættu á fundinn.
Lagt fram minnisblað um frávik frá fjárhagsáætlun fræðslusviðs fyrir árið 2021.

4. Viðauki við fjárhagsáætlun 2021 (2020060158)

Regína Fanný Guðmundsdóttir fjármálastjóri og Helgi Arnarson sviðsstjóri fræðslusviðs mættu á fundinn.
Bæjarráð samþykkir viðauka I við fjárhagsáætlun 2021 og breytingar á fjárheimildum á grundvelli hennar.

5. Staðsetning næsta grunnskóla Reykjanesbæjar (2021080327)

Regína Fanný Guðmundsdóttir fjármálastjóri, Helgi Arnarson sviðsstjóri og Guðlaugur H. Sigurjónsson sviðstjóri umhverfissviðs mættu á fundinn og kynnti tillögur að uppbyggingu grunnskóla miðað við vaxtarsvæði innan bæjarfélagsins.
Bæjarráð samþykkir framlagða tillögu um að hefja skipulagsvinnu varðandi uppbyggingu grunnskóla.

6. Ósk um niðurfellingu gatnagerðargjalda (2020100016)

Guðlaugur H. Sigurjónsson sviðstjóri umhverfissviðs mætti á fundinn.
Bæjarráð vísar erindinu til sviðsstjóra umhverfissviðs til afgreiðslu.

7. Umsögn vegna umsóknar um tækifærisleyfi – Fjörheimar félagsmiðstöð (2021080230)

Erindi Sýslumannsins á Suðurnesjum vegna umsóknar um tækifærisleyfi. Bæjarráð samþykkir erindið fyrir sitt leyti.

8. Umsögn vegna rekstrarleyfis – Casablanca ehf. Suðurgötu 29 (2021070161)

Erindi Sýslumannsins á Suðurnesjum vegna umsóknar um leyfi til sölu gistingar í flokki II. Lagðar fram umsagnir byggingarfulltrúa Reykjanesbæjar, Brunavarna Suðurnesja og Heilbrigðiseftirlits Suðurnesja. Bæjarráð samþykkir umsóknina fyrir sitt leyti með vísan til fyrirliggjandi umsagna.

9. Umsögn vegna rekstrarleyfis – TF SUD ehf. Keilisbraut 747 (2021070146)

Erindi Sýslumannsins á Suðurnesjum vegna umsóknar um leyfi til sölu gistingar í flokki II. Lagðar fram umsagnir byggingarfulltrúa Reykjanesbæjar, Brunavarna Suðurnesja og Heilbrigðiseftirlits Suðurnesja. Bæjarráð samþykkir umsóknina fyrir sitt leyti með vísan til fyrirliggjandi umsagna.

Fleira ekki gert og fundi slitið kl. 10:30. Fundargerðin fer til afgreiðslu bæjarstjórnar 24 ágúst 2021.