1483. fundur bæjarráðs Reykjanesbæjar var haldinn að Tjarnargötu 12 þann 19. september 2024, kl. 08:15

Viðstaddir: Halldóra Fríða Þorvaldsdóttir formaður, Bjarni Páll Tryggvason, Guðbergur I. Reynisson, Guðný Birna Guðmundsdóttir og Valgerður Björk Pálsdóttir.

Að auki sátu fundinn Margrét Þórarinsdóttir áheyrnarfulltrúi og Íris Eysteinsdóttir ritari.

Margrét A. Sanders boðaði forföll. Guðbergur I. Reynisson sat fundinn í hennar stað.

1. Fjárhagsáætlun 2025-2028 (2024050440)

Umræður um fjárhagsáætlun Reykjanesbæjar.

2. HB 64 - grænn vistiðngarður (2022100542)

Halldór Karl Hermannsson sviðsstjóri atvinnu- og hafnarsviðs mætti á fundinn.

Lagt fram minnisblað um verkefnið HB64 um stöðu verkefnisins og tillögur um næstu skref.

Bæjarráð samþykkir að heimila fulltrúum sveitarfélagsins í bakhjarlahópi verkefnisins að vinna áfram í málinu í samræmi við þær tillögur sem fram koma í minnisblaðinu.

3. Greiðslufyrirkomulag lóðarleigu - svar við fyrirspurn (2024090030)

Gunnar Kr. Ottósson skipulagsfulltrúi mætti á fundinn. Tekið fyrir svar við fyrirspurn sem barst bæjarráði 5. september sl. vegna lóðarleigusamnings.

Fjármála- og stjórnsýslusvið Reykjanesbæjar staðfestir að lóðarleiga er innheimt í samræmi við ákvæði lóðarleigusamnings umræddrar lóðar.

Bæjarráð felur Halldóru Fríðu Þorvaldsdóttur staðgengli bæjarstjóra að svara fyrirspurninni fyrir hönd bæjarráðs.

4. Stefna um starfsmannaíbúðir á Suðurnesjum - beiðni um umsögn (2024080039)

Gunnar Kr. Ottósson skipulagsfulltrúi mætti á fundinn.

Lögð fram beiðni um umsögn frá umhverfis- og skipulagsráði vegna tillögu um stefnu um starfsmannaíbúðir og gistimöguleika starfsmanna á framkvæmdasvæðum í sveitarfélögum Reykjanesbæjar og Suðurnesjabæjar.

5. Skilavegir - Reykjanesbær (2024090536)

Guðlaugur H. Sigurjónsson sviðsstjóri umhverfis- og framkvæmdasviðs og Gunnar Ellert Geirsson deildarstjóri umhverfismála mættu á fundinn.

Lögð fram drög að samningi milli Vegagerðarinnar og Reykjanesbæjar um yfirfærslu Keflavíkurvegar til Reykjanesbæjar og töku Helguvíkurvegar á vegaskrá.

Bæjarráð samþykkir samninginn fyrir sitt leyti og felur Halldóru Fríðu Þorvaldsdóttur staðgengli bæjarstjóra að undirrita samninginn fyrir hönd Reykjanesbæjar.

6. Hjúkrunarrými á Suðurnesjum - nýting Hlévangs (2024090499)

Hera Ósk Einarsdóttir sviðsstjóri velferðarsviðs mætti á fundinn.

Tekið fyrir erindi frá heilbrigðisráðuneytinu vegna Hlévangs.

Bæjarráð felur Halldóru Fríðu Þorvaldsdóttur staðgengli bæjarstjóra og Heru Ósk Einarsdóttur sviðsstjóra velferðarsviðs að vinna áfram í málinu.

7. Stapasafn - beiðni um innkaup (2024090095)

Stefanía Gunnarsdóttir forstöðumaður Bókasafns Reykjanesbæjar og Halldóra Guðrún Jónsdóttir sviðsstjóri menningar- og þjónustusviðs mættu á fundinn.

Beiðni um fjárheimild vegna kaupa á búnaði Stapasafns, alls kr. 12.000.000.

Bæjarráð samþykkir að vísa erindinu til viðauka í fjárfestingaáætlun 2024.

8. Umsókn um breytingu á leyfi til reksturs veitingastaðar - Alex Airport Hotel ehf. - Aðalgata 60 (2024070558)

Erindi Sýslumannsins á Suðurnesjum vegna umsóknar um leyfi til að reka veitingastað í flokki IV-A. Lagðar fram umsagnir byggingarfulltrúa Reykjanesbæjar, Brunavarna Suðurnesja og Heilbrigðiseftirlits Suðurnesja. Bæjarráð samþykkir umsóknina fyrir sitt leyti með vísan til fyrirliggjandi umsagna.

9. Uppbygging gróðurhúsa og borun eftir jarðsjó við Patterson svæðið (2023100048)

Lögð fram umsögn sjálfbærniráðs Reykjanesbæjar.

10. Fundargerð stjórnar Sambands íslenskra sveitarfélaga 30. ágúst 2024 (2024010369)

Lögð fram til kynningar fundargerð stjórnar Sambands íslenskra sveitarfélaga.

Fylgigögn:

Fundargerð stjórnar Sambands íslenskra sveitarfélaga 30. ágúst 2024

11. Fundargerð stjórnar Samtaka orkusveitarfélaga 6. september 2024 (2024010259)

Lögð fram til kynningar fundargerð stjórnar Samtaka orkusveitarfélaga.

Fylgigögn:

Fundargerð stjórnar Samtaka orkusveitarfélaga 6. september 2024

12. Fundargerð heilbrigðisnefndar Suðurnesja 10. september 2024 (2024010176)

Lögð fram til kynningar fundargerð heilbrigðisnefndar Suðurnesja.

Fylgigögn:

Fundargerð heilbrigðisnefndar Suðurnesja 10. september 2024

13. Fundargerð stjórnar Kölku sorpeyðingarstöðvar sf. 10. september 2024 (2024010179)

Lögð fram til kynningar fundargerð stjórnar Kölku sorpeyðingarstöðvar sf.

Fylgigögn:

Fundargerð stjórnar Kölku sorpeyðingarstöðvar sf. 10. september 2024

14. Fundargerð stjórnar Sambands sveitarfélaga á Suðurnesjum 11. september 2024 (2024010205)

Lögð fram til kynningar fundargerð stjórnar Sambands sveitarfélaga á Suðurnesjum.

Fylgigögn:

Fundargerð stjórnar Sambands sveitarfélaga á Suðurnesjum 11. september 2024

15. Fundargerð svæðisskipulagsnefndar Suðurnesja 12. september 2024 (2024030007)

Lögð fram til kynningar fundargerð svæðisskipulagsnefndar Suðurnesja.

Fylgigögn:

Fundargerð svæðisskipulagsnefndar Suðurnesja 12. september 2024

16. Umsagnarmál í samráðsgátt (2024010258)

Drög að tillögu til þingsályktunar um stefnu og framkvæmdaáætlun í málefnum innflytjenda.

Umsagnarmál lagt fram.

Bæjarráð felur Heru Ósk Einarsdóttur sviðsstjóra velferðarsviðs að vinna áfram í málinu.

Fylgigögn:

Með því að smella hér ferðu inn á samráðsgátt

Fleira ekki gert og fundi slitið kl. 10.27. Fundargerðin fer til afgreiðslu bæjarstjórnar 1. október 2024.