1538. fundur

13.11.2025 08:15

1538. fundur bæjarráðs Reykjanesbæjar, haldinn að Grænásbraut 910 - Seltjörn, 13. nóvember 2025, kl. 08:15

 
Viðstaddir: Halldóra Fríða Þorvaldsdóttir formaður, Bjarni Páll Tryggvason, Guðbergur Reynisson, Guðný Birna Guðmundsdóttir og Gunnar Felix Rúnarsson.
 
Að auki sátu fundinn Kjartan Már Kjartansson bæjarstjóri, Helga María Finnbjörnsdóttir áheyrnarfulltrúi og Hrefna Gunnarsdóttir ritari.
 
Margrét Þórarinsdóttir boðaði forföll, Gunnar Felix Rúnarsson sat fyrir hana.
Margrét A. Sanders boðaði forföll, Guðbergur Reynisson sat fyrir hana.
 

1. Fjárhagsáætlun 2026-2029 (2025060320)

 
Regína F. Guðmundsdóttir sviðsstjóri fjármála- og stjórnsýslusviðs mætti á fundinn.
 
Fjárhagsáætlun Reykjanesbæjar 2026-2029 vísað til fyrri umræðu í bæjarstjórn 18. nóvember 2025.
 

2. Gamla búð (2025020331)

 
Guðlaugur H. Sigurjónsson sviðsstjóri umhverfis- og framkvæmdasviðs og Hreinn Á. Kristinsson deildarstjóri eignaumsýslu mættu á fundinn og kynntu hugmyndir/fyrirspurnir sem borist hafa vegna Gömlu búðar.
 
Bæjarráð felur Guðlaugi H. Sigurjónssyni sviðsstjóra umhverfis- og framkvæmdasviðs og Hreini Á. Kristinssyni deildarstjóra eignaumsýslu að vinna áfram í málinu í samræmi við umræður á fundinum.
 

3. Gervigrasvöllur - vetrarþjónusta (2025020117)

 
Hafþór B. Birgisson íþrótta- og tómstundafulltrúi mætti á fundinn.
 
Lagt fram minnisblað um vetrarþjónustu á gervigrasvelli vestan Reykjaneshallar.
 
Eftir vinnslu málsins með aðkomu innkaupastjóra telur bæjarráð hagkvæmara að sveitarfélagið fjárfesti í Avant 860 og þeim aukahlutum sem þörf er á til að geta sinnt vetrarþjónustu á gervigrasvellinum vestan Reykjaneshallar auk annarra verkefna bæði í vetrar- og sumarþjónustu svo sem sópun á göngustígum.
 
Samkvæmt upplýsingum frá söluaðila er von á tækinu í byrjun desember.
 
Bæjarráð leggur auk þess áherslu á mikilvægi þess að viðeigandi starfsmenn fái þjálfun í notkun tækisins og að innkaupastjóri leiti til tryggingafélags sveitarfélagsins varðandi tryggingar á tækið. Bæjarráð telur að með því að fara þessa leið þá nýtist fjárfestingin sveitarfélaginu best.
 
Bæjarráð samþykkir kaup á Avant 860 og þeim aukahlutum sem um ræðir fyrir verkefnið og samþykkir að fjármagn verði tekið af eftirfarandi lyklum: Þjónustumiðstöð lykill 33, kr. 10.000.000, Reykjaneshöll lykill 06, kr. 1.500.000, og fjármálasvið lykill 21, kr. 3.500.000.
 
Bæjarráð felur Kjartani Má Kjartanssyni bæjarstjóra að vinna áfram í málinu.
 

4. Norræna félagið á Suðurnesjum - beiðni um styrk (2025110071)

 
Lögð fram beiðni frá Norræna félaginu á Suðurnesjum um styrk að upphæð kr. 150.000.
 
Bæjarráð getur ekki orðið við beiðninni en bendir Norræna félaginu á Suðurnesjum á að leita til sjóða Sambands sveitarfélaga á Suðurnesjum sem styrkt hafa verkefni sem tengjast sveitarfélögunum í heild sinni.
 

5. Fundargerð aðalfundar Sambands sveitarfélaga á Suðurnesjum 4. október 2025 (2025110192)

 
Lögð fram til kynningar fundargerð aðalfundar Sambands sveitarfélaga á Suðurnesjum.
 
Fylgigögn:
 
 

6. Fundargerð stjórnar Brunavarna Suðurnesja 23. október 2025 (2025020453)

 
Lögð fram til kynningar fundargerð stjórnar Brunavarna Suðurnesja.
 
Fylgigögn:
 
 

7. Fundargerð stjórnar Reykjanes jarðvangs 29. október 2025 (2025110106)

 
Lögð fram til kynningar fundargerð stjórnar Reykjanes jarðvangs.
 
Fylgigögn:
 
 

8. Fundargerð stjórnar Sambands íslenskra sveitarfélaga 31. október 2025 (2025020043)

 
Lögð fram til kynningar fundargerð stjórnar Sambands íslenskra sveitarfélaga.
 
Fylgigögn:
 
 
 
Fleira ekki gert og fundi slitið kl. 9:50. Fundargerðin fer til afgreiðslu bæjarstjórnar 18. nóvember 2025.
Til baka