1564. fundur bæjarráðs Reykjanesbæjar, haldinn að Grænásbraut 910 - Seltjörn, 15. maí 2026, kl. 08:15

Viðstaddir: Halldóra Fríða Þorvaldsdóttir formaður, Díana Hilmarsdóttir, Guðný Birna Guðmundsdóttir, Margrét A. Sanders og Margrét Þórarinsdóttir.

Að auki sátu fundinn Helga María Finnbjörnsdóttir áheyrnarfulltrúi og Hrefna Gunnarsdóttir ritari.

1. Stapabraut 15 - tilboð (2026030317)

Erla Bjarný Gunnarsdóttir lögfræðingur umhverfis- og framkvæmdasviðs mætti á fundinn.

Lögð fram drög að þróunarsamningi milli Reykjanesbæjar og Reita vegna Stapabrautar 15.

Bæjarráð samþykkir fyrirliggjandi drög með fyrirvara um breytingar á orðalagi í 7. grein sem fjallar um gildistíma og uppsögn í samræmi við umræðu á fundinum. Bæjarráð felur Erlu Bjarnýju Gunnarsdóttur að vinna áfram í málinu.

2. Frumkvæðisathugun á vinnslu barnaverndarmála (2026030114)

Henný Úlfarsdóttir teymisstjóri barnaverndar mætti á fundinn.

Lögð fram verk- og tímaáætlun úrbótaverkefna í barnaverndarmálum Reykjanesbæjar.

Bæjarráð þakkar fyrir kynningu á verk- og tímaáætluninni og leggur til að áætlunin verði til umfjöllunar mánaðarlega á meðan á vinnunni stendur, að árangur úrbóta sé mældur og regluleg eftirfylgni með framvindu verkefnisins sé kynnt.

3. Barnaverndarþjónusta - drög að samningi við Grindavíkurbæ (2025120125)

Henný Úlfarsdóttir teymisstjóri barnaverndar mætti á fundinn.

Lögð fram drög að samningi Reykjanesbæjar og Grindavíkurbæjar um barnaverndarþjónustu.

Bæjarráð felur Kjartani Má Kjartanssyni bæjarstjóra og Heru Ósk Einarsdóttur sviðsstjóra velferðarsviðs að vinna áfram í málinu í samræmi við umræður á fundinum.

4. Húsnæðismál leikskóla (2024040176)

Lögð fram til kynningar fyrir bæjarráð tillaga að nýju húsnæði leikskólans Garðasels og undirbúningi fyrir byggingu leikskólahluta Stapaskóla. Verkefnin verða unnin áfram í samræmi við gæðaferil um viðhaldsframkvæmd, nýbyggingu eða leiguhúsnæði VRL-0044.

5. Umsögn vegna breytingar á rekstrarleyfi - Fjárskyn ehf. (Dubliner), Hafnargata 30 (2026030444)

Erindi Sýslumannsins á Suðurnesjum vegna umsóknar um um breytingu á rekstrarleyfi, í flokk III-B. Lögð fram umsögn byggingarfulltrúa Reykjanesbæjar. Bæjarráð hafnar umsókninni með vísan til fyrirliggjandi umsagnar.

6. North Star Rentals ehf. - ökutækjaleiga/geymslustaður ökutækja Smáratúni 26 - beiðni um umsögn (2026050149)

Erindi Samgöngustofu vegna umsóknar um leyfi fyrir geymslustað ökutækja vegna ökutækjaleigu. Lögð fram umsögn byggingarfulltrúa Reykjanesbæjar. Bæjarráð hafnar umsókninni með vísan til fyrirliggjandi umsagnar.

7. Breytingar á Hviðu (Eignarhaldsfélagi Suðurnesja) (2026040286)

Guðný Birna Guðmundsdóttir fór yfir breytingar sem búið er að gera á starfsemi og stjórn Hviðu.

8. Fundargerð stjórnar Brunavarna Suðurnesja 30. apríl 2026 (2026010077)

Lögð fram til kynningar fundargerð stjórnar Brunavarna Suðurnesja.

Fylgigögn:

Fundargerð 100. fundar stjórnar BS

9. Fundargerð heilbrigðisnefndar Suðurnesja 6. maí 2026 (2026020138)

Lögð fram til kynningar fundargerð heilbrigðisnefndar Suðurnesja.

Fylgigögn:

324. fundur heilbrigðisnefndar Suðurnesja 6. maí 2026

Fleira ekki gert og fundi slitið kl. 9:47. Fundargerðin fer til afgreiðslu bæjarstjórnar 19. maí 2026.